Ás­mundur Einar fær á baukinn eftir Silfrið: „Í þróuðum löndum lenda menn í vand­ræðum fyrir svona hroka“

Ás­mundur Einar Daða­son, fé­lags- og barna­mála­ráð­herra, hefur verið gagn­rýndur tals­vert á sam­fé­lags­miðlum eftir við­tal í Silfrinu á RÚV í morgun.

Í við­talinu var Ás­mundur Einar meðal annars spurður út í náms­menn og at­vinnu­leysis­bætur, en stúdentar hafa margir hverjir á­hyggjur af fram­færslu sinni í sumar enda fá störf á lausu í ljósi kórónu­veirufar­aldursins. Komið hefur til tals að náms­menn fái at­vinnu­leysis­bætur en slíkt virðist ekki koma til greina.

Í Silfrinu sagði Ás­mundur Einar:

„Ég er ekki hvata­maður þess að hvorki náms­­menn né aðrir á at­vinnu­­leys­is­bót­um fái fjár­­magn úr rík­is­­sjóði fyr­ir að gera ekki neitt. Ég hef í raun­inni á­hyggj­ur af því að all­ar kröf­ur sem koma fram miða rosa­­lega mikið við það að við eig­um að slökkva á öllu og loka öllu, að all­ir vilji fá fjár­­magn fyr­ir að gera ekki neitt,“ sagði Ás­mundur en þessi um­mæli hafa vakið tals­verða at­hygli.

Ragna Sigurðar­dóttir, vara­borgar­full­trúi Sam­fylkingarinnar, lækna­nemi og fyrr­verandi for­maður Stúdenta­ráðs Há­skóla Ís­lands, gagn­rýnir Ás­mund Einar á Twitter. Hún segir:

„Þessi maður fær 1.941.328 krónur á mánuði á sumrin fyrir það að gera ekki neitt. Náms­menn fá ekkert sumar­frí, fram­færslu sem er langt undir lág­marks­launum og margir nú að missa vinnuna. Hver er sá sem er að gera ekki neitt?“

Atli Þór Fann­dal, fyrr­verandi blaða­maður og sam­fé­lags­rýnir, gagn­rýndi Ás­mund Einar einnig. „Þessi maður er fé­lags­mála­ráð­herra og var áðan í Silfrinu að kvarta yfir því að allir séu bara að kalla eftir peningum frá ríkinu fyrir ekki neitt. Hann var í um­ræðu um nem­endur og at­vinnu­leysis­bætur. Í þróuðum löndum lenda menn í vand­ræðum fyrir svona hroka.“

Óskar Steinn Jónínu­­son Ómars­­son, vara­for­seti Ungra jafnaðar­manna og fyrr­verandi ritari Sam­­fylkingarinnar, segir ein­fald­lega: „Nei þetta er ekki hægt. Maðurinn skilur ekki til­gang at­vinnu­leysis­bóta. Segðu af þér Ás­mundur Einar.“

Jóhann Páll Jóhanns­son, náms­maður og blaða­maður á Stundinni, tekur undir gagn­rýnina.

„Hér í Bret­landi eru bóta­þegar mjög jaðar­settir í allri stjórn­mála- og fjöl­miðla­um­ræðu, en ég held samt að enginn ráð­herra kæmist upp með að tala eins og Ás­mundur Einar gerði í Silfrinu í dag án þess að það yrði að stór­máli, hann lenti á for­síðum blaða og krafist yrði af­sagnar.“

Mynd: Skjáskot úr Silfrinu.