Ás­mundur birtir ræðuna sem gerði allt brjálað og spyr þjóðina

„Góða fólkið í þinginu hjólaði í mig vegna þess að ég hef á­hyggjur af á­lagi á Land­spítalann,“segir Ás­mundur Frið­riks­son, þing­maður Sjálf­stæðis­flokksins, á Face­book-síðu sinni.

Nokkuð hefur verið rætt um þings­á­lyktunar­til­lögu 19 þing­manna sem varðar að­gengi ein­stak­linga sem ferðast til Ís­lands að þungunar­rofi. Inga Sæ­land, for­maður Flokks fólksins, gagn­rýndi til­löguna harð­lega í Morgun­blaðinu í dag og Brynjar Níels­son, þing­maður Sjálf­stæðis­flokksins, gerði það einnig.

Ás­mundur tók málið upp í um­ræðum um störf þingsins á Al­þingi í morgun.

„ÉG hef á­hyggjur af því að góða fólkið vilji flytja pólitísk heil­brigðis­vanda­mál annarra landa til Ís­lands og upp­skar fyrir vikið mikið af upp­hrópunum, skít­kasti og því sem góða fólkinu er leyfi­legt að segja um þá sem eru þeim ekki sam­mála,“ segir Ás­mundur sem spyr hvort ekki sé á­stæða til að hafa á­hyggjur þegar opna á markað fyrir hundruð þúsunda ein­stak­linga í leit að þjónustu sem þeim stendur ekki til boða í heima­landinu.

„Er ekki ein­hver í krumma­fót í þessu máli, ég bara spyr þjóðina? Þetta er ræðan sem allt gerði brjálað,“ segir Ás­mundur en ræðu hans má sjá hér að neðan:

Virðu­legi for­seti. Starfs­um­hverfi heil­brigðis­þjónustunnar er reglu­lega til um­ræðu í þinginu. Minni hlutinn í þinginu þreytist ekki á að benda á það sem betur má fara. Vissu­lega er margt sem betur má fara í heil­brigðis­kerfinu sem nú upp­lifir sína erfiðustu tíma. En það eru samt 18 þing­menn sem telja að ekki sé nóg að gert í heil­brigðis­kerfinu, þing­menn sem marg­oft hafa rætt um vanda­mál og mönnun í heil­brigðis­kerfinu, lé­lega að­stöðu, of mikið álag, of lítið fjár­magn, of lág laun og að þar sé allt í volli. Samt erum við að tala um eitt af bestu heil­brigðis­kerfum í heimi. Þessir þing­menn munu í dag flytja þings­á­lyktunar­til­lögu sem felur í sér aukið álag á heil­brigðis­kerfið og þó fyrst og fremst á Land­spítalanum. Það er sem sagt verið að flytja þings­á­lyktunar­til­lögu um að­gengi fyrir konur til að ferðast til Ís­lands í fóstur­eyðingu. Þings­á­lyktunar­til­lagan á fyrst og fremst við íbúa í Pól­landi og Möltu, en þeir eru sam­tals 38,2 milljónir. Fram kom fram í þættinum Heims­kviður í Ríkis­út­varpinu, þar sem þessi þings­á­lyktunar­til­laga var til um­fjöllunar, að á bilinu 100.000–200.000 ó­lög­legar fóstur­eyðingar ættu sér stað á hverju ári í Pól­landi.

Virðu­legi for­seti. Ég velti fyrir mér, þótt ekki væri nema brot af þessum fóstur­eyðingum ætti að flytjast á Land­spítalann, hvernig staðan verði á þung­settum spítalanum og kvenna­deildinni. Ég velti líka fyrir mér kostnaðinum, virðu­legur for­seti: Hver á að greiða fyrir flug og gistingu? Hver greiðir fyrir við­tal, þjónustu og að­gerðirnar sem á eftir fylgir? Hver greiðir fyrir eftir­fylgnina, sál­fræði­að­stoðina og annað sem hér er í boði?

Virðu­legi for­seti. Ég spyr hvort það sé hlut­verk heil­brigðis­kerfisins á Ís­landi að bregðast við pólitísku heil­brigðis­vanda­máli tug­milljóna þjóða þegar við glímum við bið­lista í heil­brigðis­kerfinu sem okkur dreymir öll um að eyða.

Virðu­legur for­seti. Er svona til­laga ekki at­laga að ís­lensku heil­brigðis­kerfi?