Áslaug Arna Sigurbjörnsdóttir háskóla-, iðnaðar- og nýsköpunarráðherra sá loksins sýninguna Níu líf í Borgarleikhúsinu og mælir hún hiklaust með henni.
„Ég sá loksins sýninguna Níu líf. Væntingarnar voru miklar enda stór hluti landsmanna búinn að mæla með henni. Sýningin stóð undir þeim og gott betur þar sem Bubbi leyfir einstöku einvala leikaraliði að berskjalda sig takast á við lífið og því sem því fylgir að verða fyrir ofbeldi, misstíga sig og finnast maður ekki njóta sammælis í samfélaginu. Á sama tíma verða frægur og dáður af íslensku þjóðinni sem öll hefur skoðun á sér. Það geta margir lært af þessu lífshlaupi, viðhorfi hans og sjálfsvinnu án þess að vera alltaf sammála honum. Ég hló, grét og lærði. Takk Bubbi!“ skrifar Áslaug.
