Fegurðardrottningin Ásdís Rán ræðir lífið og tilveruna við Fréttablaðið í dag í ítarlegu viðtali. Þar er hún meðal annars spurð hvernig mann hún vill.
„Einhvern góðan og skemmtilegan sem hefur gaman af því að dekra við svona drottningu eins og mig,“ segir Ásdís.
„Ég var alltaf með uppskrift að draumaprinsinum í gamla daga en það virkaði aldrei. Ég hef því lært að vera opin fyrir alls konar. Annars er ég ekkert að stressa mig yfir því að vera á lausu og finnst það bara fínt. Ég veit að hann kemur til mín á réttum tíma.“
Ásdís segir karlmenn hrædda við sig. „Karlmenn eru hræddir við mig, konum stendur ógn af mér og það er erfitt fyrir mig að slaka á og vera ég sjálf í kringum fólk, aðallega vegna þess hve annað fólk er óöruggt í kringum mig.“
Viðtal Fréttablaðsins við Ásdísi.
