Grafíski hönnuðurinn Arnór Bogason datt í lukkupottinn en datt svo beint út úr honum.
Á Twitter greinir hann frá því að hann hafi unnið eldhúsinnréttingu og tæki að andvirði þriggja milljóna króna. Þetta var honum tilkynnt í tölvupósti.
Í dag var þessi sigur hans afturkallaður. En það var annar Arnór B sem bar sigur úr býtum.
Hann bendir þó á að hann hafi aldrei skráð sig í umræddan leik.
„Í gær fékk ég tölvupóst um að ég hefði unnið eldhúsinnréttingu og tæki að andvirði þriggja milljóna króna. Í dag fékk ég tölvupóst um að það hefðu verið gerð mistök og það var annar Arnór B. sem vann. Ég skráði mig aldrei í leikinn en þetta var smá rússíbani.“ skrifar hann á Twitter
Í frekari samskiptum á miðlinum kemur fram að það hafi verið nafni hans sem gerði mistökin og skráði rangt tölvupóstfang. Því hafi hann ekki gert frekara tilkall til vinningsins.
Í gær fékk ég tölvupóst um að ég hefði unnið eldhúsinnréttingu og tæki að andvirði þriggja milljóna króna. Í dag fékk ég tölvupóst um að það hefðu verið gerð mistök og það var annar Arnór B. sem vann. Ég skráði mig aldrei í leikinn en þetta var smá rússíbani.
— Arnór Bogason 💙💛 (@arnorb) June 11, 2022
