Árni Halldórsson, útgerðarmaður og skipstjóri á Eskifirði, er látinn. Árni fæddist þann 3. október 1933 og var því á 87. aldursári þegar hann lést í kjölfar skammvinnra veikinda. Greint er frá andláti hans í Morgunblaðinu í dag.
Árni lauk skipstjórnarnámi árið 1956 og var skipstjóri á fjölmörgum skipum Hraðfrystihúss Eskifjarðar. Síðar stofnaði hann fyrirtækið Friðþjóf hf. ásamt eiginkonu sinni, Ragnhildi Kristjánsdóttur, og vinum þeirra hjóna. Hann var skipstjóri á skipum félagsins allt fram á tíunda áratug liðinnar aldar að hann fór til starfa í landi.
Árni sat í bæjarstjórn Eskifjarðar fyrir Sjálfstæðisflokkinn og gegndi trúnaðarstörfum í þágu sjómanna.
Árni og Ragnhildur eiginkona hans, sem lést síðla árs 2018, eignuðust sex börn og eru afkomendur þeirra hjóna 30 talsins.
