Ár­mann neyddist til að flýja Ísland: „Sví­virða“ – Lands­menn láta allt yfir sig ganga og nöldra í barminn

„Elli­­laun eru í dag 225 þúsund kr. og af því tek­ur ríkið náðar­sam­­leg­ast 55 þúsund í skatt sem er sví­v­irða (annað orð er ekki yfir það) svo að út­borgaðar eru 170 þúsund. Fólkið í land­inu veit al­­mennt ekki af þessu og vill ekki hafa þetta svona.“

Þetta segir Ár­mann Örn Ár­manns­son fyrr­verandi fram­kvæmda­stjóri í grein í Morgunblaðinu. Hann gagn­rýnir harð­lega þær ráð­stöfunar­tekjur sem heldri borgurum eru út­hlutaðar af ríki og sveitarfélögum.

„Ég held að flest­ir viður­­kenni að þetta sé und­ir fá­tækra­­mörk­um í dýr­asta landi heims, Ís­landi. Fyr­ir mig sem Ís­lend­ing sem horf­ir á þjóð sína úr fjar­lægð (nú síðustu 11 ár, þvingaðri ) láta lands­­menn nán­ast allt yfir sig ganga og nöldra bara í bar­m­inn.“

Ár­mann segir að margir sem nú séu á átt­ræðis­aldri hafi greitt tugi milljóna á sínum starfs­tíma en það sé þó ekki að merkja á eftir­laununum.

„Okk­ar kyn­­slóð vann þorska­stríðin og tryggði yf­ir­ráð yfir fiski­miðum við Ís­land. Það átti að tryggja jafna og góða af­komu um allt land. Raun­in varð önn­ur. Sú kyn­­slóð sem nú hef­ur verið tek­in út af vinnu­­markaði með vald­­boði byggði upp þjóð­fé­lag nú­­tím­ans. Það er vart sann­gjarnt að henni sé nú haldið á hung­ur­­mörk­um.“

Ár­mann segir að eldra fólki sé gert ó­mögu­legt að komast af í þeirri dýr­tíð sem ríki á Ís­landi, þar sem verð er á marg­földu verði miðað við það sem gerist í ná­granna­löndunum. En hver er á­stæðan fyrir þessu háa verði sem hefur gert það að verkum að margir ör­yrkjar og eldri borgarar flýja land. Upp­talning Ár­manns er eftir­farandi:

Lands­­virkj­un sel­ur græn­­met­is­rækt­end­um orku á marg­­földu verði m.v. stór­iðju.

Fá­keppni ríkir.

Laun fólks eru orðin svo miklu hærri en í ná­læg­um lönd­um að kostnaður við fram­­leiðslu er allt of hár.

Ein­okun á mjólkur­markaði.

Ó­stjórn er á sauð­fjár­af­urða­fram­­leiðslu.

Ó­hóf­­leg skatt­lagn­ing á létt­vín­um

Verð­lag á nýju og notuðu hús­­næði er eins og á dýr­ustu blett­um stór­kapítal­is­m­ans í heim­in­um og er bæði græðgi sveit­ar­­stjórna og verk­­taka um að kenna. Ég skora því á þá sem kjörn­ir eru til for­svars á Ís­landi að sýna nú af sér þann mann­­dóm að bæta þessi lúsa­laun án frek­ari tafa.

Þarf að ná tökum á dýr­tíð

Til að leysa vandann að hluta og koma í veg fyrir flótta segir Ár­mann nauð­syn­legt að af­nema skatt­skyldu elli- og ör­orku­­launa. Þá vill hann einnig hækka launum að lág­marki um 90 þúsund svo að þau nái meðal­tali við önn­ur OECD-lönd þótt ekki nái þau að verða jöfn og á öðrum lönd­um á Norður­lönd­um sem Ís­lend­ing­ar vilja oft miða sig við. Þá segir Ár­mann að lokum:

„Auk þess ber brýna nauð­syn til að ráðast gegn þess­ari ó­stjórn­­legu dýr­tíðar­þróun með víð­tæk­um að­gerðum m.a. til þess að all­ir eldri borg­ar­ar neyðist ekki til að yf­ir­­gefa landið.“