Ann­þór var með tvo lög­reglu­menn á launum: „100 þúsund krónur á mánuði“

Ann­þór Kristján Karls­son er nafn sem margir Ís­lendingar kannast við en Ann­þór var í ára­raðir þekktur sem harð­svíraðasti glæpa­maður Ís­lands. Hann er gestur í nýjasta hlað­varps­þætti Sölva Tryggva­sonar þar sem hann fer yfir lífs­hlaup sitt.

Hann lýsir því meðal annars í þættinum að það hafi komið fyrir oftar en einu sinni að lög­reglan hafi bent fólki á að leita til hans vegna skulda, þegar úr­ræði fólks til að inn­heimta peningana voru ekki til staðar í kerfinu:

„Það hefur alveg gerst já. Al­gengustu skuldirnar og hæstu fjár­hæðirnar í hand­rukkunum á Ís­landi eru til­vik þar sem fólk situr eftir með sárt ennið eftir kenni­tölu­flakk eða annað slíkt í verk­taka­bransanum. Stundum er fólk kannski að fara að missa í­búðina sína eða er með veð hjá for­eldrum eftir að hafa verið svikið um háar upp­hæðir og svo er ein­hver bara að eyða þeim peningum. Það er auð­vitað ekki rétt að hand­rukka, en kerfið okkar er oft gallað og fólk situr eftir og á bara rétt í eitt­hvað þrota­bú eftir að hafa verið svikið.“

Ann­þór segist hafa fengið inn á borð til sín gífur­legt magn af beiðnum eftir að hann varð þekktur og oft hafi upp­hæðirnar verið gríðar­lega háar:

„Yfir­leitt nennti maður ekki að hreyfa sig mikið fyrir minna en milljón, en þetta gat alveg farið upp í 30-40 milljónir. Það hefur tíðkast hér á landi að hand­rukkarinn tekur 50% af því sem hann nær í, enda lítur fólk oft á þetta sem tapað fé. Það er ekkert mafíu­kerfi í þessu á Ís­landi eins og fólk virðist oft halda og ekki ein­hver sér­stök stétta­skipting í glæpa­heiminum. En eftir að DV fór að fjalla svona mikið um mig í kringum 2005 rigndi inn verk­efnum hjá mér.”

Ann­þór segir að þegar hann hafi verið sem um­svifa­mestur í glæpunum hafi hann verið með 2 lög­reglu­menn sem hann borgaði mánaðar­lega fyrir upp­lýsingar:

„Ég var á sínum tíma með tvo lög­reglu­menn sem ég borgaði alltaf pening mánaðar­lega og þeir gáfu mér í staðinn upp­lýsingar. Ég var látinn vita ef það væri verið að hlera mig eða ef eitt­hvað sér­stakt var í gangi í minn garð. Ég var látinn vita ef ég þyrfti að fara var­lega. Sam­skiptin áttu sér stað í gegnum ó­skráða síma sem var síðan hent. Ég borgaði þeim í peningum sem ég skildi eftir á á­kveðnum stað. 100 þúsund krónur á mánuði. En ég tek það fram að ég er hand­viss um að lang­flestir lög­reglu­menn séu mjög gott og heiðar­legt fólk, sem vinnur vinnuna sína af heilindum. En eins og í öllum stéttum er mis­jafnt fólk innan um.“