Anna Kristjánsdóttir, íbúi á Tenerife, segir í pistli dagsins að það sé leiðinlegt að Ásgeir Jónsson seðlabankastjóri sé einn fárra Íslendinga sem hefur ekki komið til Tenerife. *
„Ég fer að sakna þess að sjá ekki Ásgeir seðló hérna. Hann er einn örfárra Íslendinga sem aldrei hefur komið til Tene og löngu kominn tími til að hann mæti og fái sér einn bjór á Önnubar. Þeir mega alveg vera tveir og jafnvel þrír ef hann lofar mér því að hækka stýrivextina svo ég fái meiri vexti af sparnaðinum mínum. Alltaf sama eigingirnin,“ skrifar Anna í pistli dagsins.
„ Annars ætti ég að segja sem minnst, enda kom ég ekki hingað í fyrsta sinn fyrr en ég var 66 ára og átti þá minna en ár eftir af virku starfi á vinnumarkaði. Það var reyndar sama ár sem ég kom í fyrsta sinn á ævinni til Spánar, en til Portúgal hefi ég aldrei komið, enda hélt ég mig við kulda og vosbúð á Norður-Atlantshafi hálfa starfsævina,“ heldur Anna áfram.
Hún segir hitann á Tene ekkert til að hrópa húrra yfir þessa stundina: , Rétt marði tuttugu gráðurnar og síðbuxur og flíspeysa urðu klæðnaður kvöldsins eins og svo oft áður undanfarnar vikur. Mér sýnist samt á spánni sem að hitinn fari örlítið hækkandi á sunnudag og er það að vonum. Ég er búin að fá leið á þessum kulda.“
