Anna Kristjáns undrar sig á einu varðandi Co­vid-19 faraldurinn: „Stór­furðu­­legur kórónu­vírus“

Anna Kristjáns­dóttir, íbúi á Tenerife, telur sig hafa verið lögð í ein­elti af Co­vid-19 þar sem hún smitaðist ekki þrátt fyrir að hafa verið í­trekað ná­lægt smituðum ein­stak­ling.

„Ég veit ekki allt um ein­elti þótt ég hafi orðið fyrir al­var­­legu ein­elti, ekki að­eins á ung­lings­árunum vegna bú­­setu minnar í fæðingar­­staðnum að Höfða­­borg 65 í Reykja­­vík, heldur einnig löngu síðar er ég flutti til Ís­lands eftir góð ár í Sví­­þjóð. Hvoru­tveggja hefi ég sagt frá í sögu minni, en síðan saga mín kom út fyrir fimm árum síðan hefur ýmis­­legt gerst sem bendir til að ein­eltinu sé alls ekki lokið,“ skrifar Anna í pistli dagsins.

„Í árs­byrjun 2020 barst ein­hver stór­furðu­­legur kórónu­vírus til Evrópu, fljót­­lega kallaður Có­við. Fyrsta til­­­felli slíks á Spáni greindist á eyjunni La Gomera í lok janúar 2020 og við Ís­­lendingarnir í Los Cristianos fjöl­­menntum þangað til að skoða þennan furðu­vírus, en gripum í tómt. Eftir árangurs­­lausa leit héldum við til baka til Tenerife og fengum okkur Cor­ona­bjór á Barnum.“

Hún minnist þess að rúmum mánuði síðar var öllu skellt í lás. „Við sátum um tveggja mánaða skeið nánast eins og í stofu­fangelsi og máttum búa við tak­­markað ferða­­frelsi í heilt ár eftir það.Í kringum mig hefur fjöldi fólks smitast að undan­­förnu, flest náð sér að fullu sem betur fer. Við sátum nokkur saman að sumbli á Önnu­bar eitt kvöldið og daginn eftir greindist einn úr hópnum með Có­við, fá­einum dögum síðar konan hans og sömu­­leiðis varð Helena mín fár­veik. Ég var ó­­varin er ég lét hana taka já­­kvætt Có­við­test“

„Síðan þá hefi ég farið í nokkur test og öll nei­­kvæð, sömu­­leiðis hefur Hörður sonur hennar sem hjúkraði henni í veikindum hennar verið nei­­kvæður, því mér var að sjálf­­sögðu meinaður að­­gangur að heimili hennar meðan á veikindunum stóð. Helena er búin að ná sér, loksins.“

„Ég veit að ég er nei­­kvæð að eðlis­fari, en af hverju hefi ég á­vallt sloppið svona vel? Getur virki­­lega verið að þessi veira leggi okkur vonda fólkið í ein­elti? Ef svo er, takk fyrir að skilja okkur eftir út­undan. Loksins er gott að vera út­undan. Eða er þetta af­­leiðing af Vodka­kúrnum?“ spyr Anna að lokum.