Anna Kristjáns leysir ára­tuga­gamalt rifrildi um þjóð­há­tið: „Sumir eyja­skeggjar á Norður­ey kunna kannski að mót­mæla mér“

Anna Kristjáns­dóttir, íbúi á Tenerife, skrifar um þjóð­há­tíð í pistli dagsins og segir að í dag má segja að sé að­fanga­dagur verslunar­manna­helgar.

„Sumir eyja­skeggjar á Norður­ey kunna kannski að mót­mæla mér og benda á að að­fanga­dagur verslunar­manna­helgar sé á föstu­deginum fyrir helgina, en því svara ég ein­fald­lega með því að húkkara­ballið er í kvöld og þar með byrjar þjóð­há­tíðin þótt hún verði ekki form­lega sett fyrr en á morgun, rétt eins og að að­fanga­dagur jóla er 24. desember þótt flestir telji jólin byrja á jóla­dag. Áður en þið byrjið að röfla yfir þessari stað­hæfingu, bendi ég á að ég er ekki á átt­ræðis­aldri. Ég byrja ekki á átt­ræðis­aldri fyrr en 30. desember næst­komandi. Svo megið þið rífast enda­laust á ykkar síðum yfir stað­hæfingum mínum, en látið mína síðu í friði. Ég er nefni­lega ekki fjöl­miðill svo ef þið viljið kvarta, hringið þá í síma 5881994, en síma­tíminn þar er milli 9 og 12 alla virka daga,“ skrifar Anna.

„Það stefnir í ljómandi góða þjóð­há­tíð og mér skilst að maðurinn sem sér um inni­púkann í Reykja­vík ætli líka að mæta til Eyja, enda hefur hann sjálfur sagt að öll fíflin fari á þjóð­há­tíð í Vest­manna­eyjum. Sjálf ætla ég að skrópa rétt eins og mörg undan­farin ár. Því miður.

Stóra spurningin er samt þessi: Hvernig verður veðrið um helgina? Hversu kalt verður og hversu blautt verður þarna norður­frá? Það sem ég fæ út úr veður­spánni þarna í norðrinu er að það verði um­hleypinga­samt, kalt, vinda­samt og blautt með köflum, þó síst í Vest­manna­eyjum þar sem hefur ekki snjóað síðan snemm­sumars.“

„Hér í suðrinu, nánar til­tekið í Para­dís verðum við einnig að sætta okkur við kulda á nóttunni þar sem hitinn getur farið niður í 20°C á nóttunni, þ.e. ef veður­spáin stenst. Einasta bleytan sem mun hrjá okkur er helst eiginn sviti þegar við hreyfum okkur um of. En við höfum ráð við slíku sem er að drekka meira Dor­ada. Hafa skal samt í huga að hita­bylgjan dá­sam­lega sem kom um síðustu helgi er að yfir­gefa okkur að sinni. Við skulum samt vona að hún komi fljót­lega aftur, enda er flís­peysan góða komin ofan í skúffu og verður vonandi ekki tekin upp aftur fyrr en í nóvember,“ skrifar Anna.

„Það er fleira sem við missum af, því þótt margar séu brekkurnar hjá okkur, verður enginn brekku­söngur og enginn Árni John­sen til að gleðja okkur. Ég frétti reyndar af ó­nefndum arf­taka hans við brekku­söng á bar einum hér í fyrra, en ég skrópaði.

Með þessu sendi ég ís­lensku þjóðinni mínar inni­legustu sam­úðar­kveðjur vegna veðursins um helgina um leið og ég ligg í sól­baði á bekknum í dag. Hel­vítis nagla­dekkin,“ skrifar Anna að lokum.