Anna hefur á­hyggjur af vin­konu sinni í Para­dís: „Eins og að fólk sé orðið kæru­laust gagn­vart veirunni“

Anna Kristjáns­dóttir íbúi á Tenerife, skrifar um stöðuna á far­aldrinum á Tenerife og á Ís­landi í nýjum pistli á Face­book.

„Að undan­förnu hafa Có­við­smit stór­aukist, ekki að­eins í Para­dís heldur einnig á Ís­landi. Ein sem ég þekki í Para­dís er með þrá­látan höfuð­verk og brjóst­verki, en lætur ekki prófa sig, ég fer bara í mót­efna­mælingu næst þegar ég fer til Ís­lands, segir hún. Samt er hún rúm­liggjandi vegna verkja og heilsu­leysis.

Önnur ís­lensk kona sem ég þekki kom við á flat­böku­staðnum Rimini í fyrra­kvöld og fann ekkert bragð af flat­bökunni sinni. Í gær var hún veik. Ég hvatti hana endi­lega til að fara í PCR próf eða hrað­próf, rétt eins og hina vin­konu mína, en hún vildi sem minnst gera úr veikindum sínum. Mér finnst eins og að fólk sé orðið kæru­laust gagn­vart veirunni,“ skrifar Anna.

„Varðandi veikindin. Það er að sjálf­sögðu ekkert að marka mig því þeir deyja ungir sem guðirnir elska og við lifum lengst sem lýðum erum leiðust, eða leiðin­legust.Já, Rimini. Eig­andinn er frá Sikil­ey og þykir harður hús­bóndi sem hlýtur að vera erfitt á tímum þar sem mikill skortur er á starfs­fólki. Smala­stúlkan mín frá Róm er búin að segja upp og hættir um mánaðar­mótin. Þá ætlum við að detta í það saman.“

„Þetta minnir mig á það er ég kom við á skyndi­bita­stað á Sikil­ey sumarið 1974 og ég keypti mér sam­loku með skinku og osti, en missti lyst á henni þegar ég sá að útum allt voru kakka­lakkar á harða­spretti,“ skrifar Anna.

Hún segir að öðru leyti hafi gær­dagurinn verið ó­venju ró­legur.

„Eftir pistil dagsins fékk ég mér morgun­blund fram­yfir há­degið, en fór þá með Mjall­hvíti í ár­s­eftir­lit, en ár er liðið síðan ég eignaðist hana og seldi Mercý. Kom svo við í Iceland og keypti mér fisk og smjör og lamba­kjöt, en mikið skelfing hafa þessar vörur hækkað í verði á stuttum tíma, enda inn­fluttar í gegnum Eng­land sem er ekki lengur í Evrópu­sam­bandinu, því miður.

Það var loksins skemmti­lega hlýtt í Para­dís í gær, fór upp í 30°C og sömu spá er að sjá alla vikuna. Þetta er á­gæt­lega á­sættan­legt á daginn, en dá­lítið of hlýtt á nóttunni, enda erfitt að sofa í 24°C hita á nóttunni, engin loft­kæling innan­dyra og einungis vifta til að við­halda kælingu á minni.“