Anna Svala Guðmundsdóttir ákvað að henda í létt grín í Facebook hópnum Til sölu í Barnaloppunni en þangað inn leita margar Íslendingar til að kvarta yfir hinu og þessu í tengslum við Barnaloppuna.
„Ég keypti þessa súkkulaðimjólk í loppunni í dag. Ég var mjög þyrst og þegar ég kom út í bíl tók ég stóran gúlpsopa, dauðfegin að fá eitthvað svalandi að drekka. Gleðin breyttist á augabragði í vonbrigði, því mjólkin var súr og kekkjótt!“ skrifar Anna.
„Ég veit að ég á að skoða vel það sem ég kaupi í loppunni en mjólkin var ekki einu sinni útrunnin (rennur út 9.apríl) Ég er ekki sátt eins og gefur að skilja. Ég vildi bara benda ykkur seljendum og kaupendum á að yfirfara vel allt sem er til sölu í barnaloppunni. Sem betur fer fékk ég þetta en ekki barnið mitt,“ bætti hún við.
Ekki eru allir sem átta sig á gríninu og spyr ein: „Þetta er kælivara var hún í kæli?“
„Var þetta til sölu á bás?“ spyr önnur.
Glöggir meðlimir hópsins hafa þó áttað sig á því að um grín sé að ræða og segir Kristín Dögg Kristinsdóttir að hún kannast við vandamálið. „Lenti í þessu með smjörva sem ég keypti þarna.“
Það verður að hrósa Önnu fyrir gott grín en Íslendingar þurfa að vera á varðbergi því 1. apríl er handan við hornið.
