Mikil umræða hefur skapast á samfélagsmiðlum eftir að Sólveig Anna Jónsdóttir, formaður Eflingar, ákvað að reka allt starfsfólk Eflingar.
Andri Sigurðsson sem meðal annars heldur úti áróðursíðunni Jæja á Facebook sem studdi dyggilega við framboð Sólveigar Önnu til formanns virðist ekki gefa mikið fyrir kvartanir netverja sem undra sig á því hvernig stéttarfélag getur staðið að hópuppsögn.
Fatahönnuðurinn Guðmundur Jörundsson skrifar: „Þetta er next level sturlun þið hljótið öll að sjá það.“ En fyrir neðan færslu Guðmundar deilir Sigurður Ingi Ricardo skilaboðum frá Andra þar sem hann gerir grín að tístinu hans Guðmundar: „Twitter libbarnir eru að missa sig yfir þessu,“ skrifar Andri og vísar þar til liberals eða frjáslyndra. Sigurður segir þar Andra gleðjast yfir uppsögnunum í Eflingu.
Sósíalisti gleðst það sé verið reka fólk úr starfi pic.twitter.com/9mINRuZa2v
— Sigurður Ingi Ricardo (@Ziggi92) April 12, 2022
Halldór Auðar Svansson, varaþingmaður Pírata, segir ummæli Andra „ógeðslega ósmekkleg“ sérstaklega í ljósi þess ein og Fréttablaðið greindi frá þá fékk Andri 20 milljónir í verktakagreiðslur fyrir vefsíðuhönnun fyrir Eflingu án þess að skila af sér fullbúni vefsíðu.
„Líka ógeðslega ósmekklegt að maður sem hefur verið í verktöku hjá þessu félagi og er sennilega ekkert að fara að missa spón úr þeim aski sínum sé að tjá sig svona um þessar uppsagnir. Er ekki stundum bara betra að þegja?“ skrifar Halldór.
Líka ógeðslega ósmekklegt að maður sem hefur verið í verktöku hjá þessu félagi og er sennilega ekkert að fara að missa spón úr þeim aski sínum sé að tjá sig svona um þessar uppsagnir. Er ekki stundum bara betra að þegja?
— Halldór Auðar Svansson 🇮🇸 🤝 🇺🇦 (@tharfagreinir) April 12, 2022
Viðar Þorsteinsson hjá Eflingu er góður vinur Andra og reyndi hann að fastráða hann á sínum tíma en stjórn Eflingar hafnaði því. Ottar Makuch leggur orð í belg í þræðinum og segir „ Hann hlýtur að fá fastráðningu“
Hann hlitur að fá fastráðningu
— Ottarr Makuch (@ottarrg) April 12, 2022
