Andrés hjólar í dóms­mála­ráðu­neytið: „Senni­lega eitt kæru­lausasta og slakasta svar sem ég hef fengið við fyrir­spurn“

„Trans fólk veigrar sér oft við að leið­rétta kyn­skráningu sína í þjóð­skrá. Á­stæðan er ein­föld: enn eru til staðar for­dómar gagn­vart trans fólki, ekki að­eins í al­þjóða­sam­fé­laginu, heldur einnig hér heima fyrir. Fólki með hlut­lausa skráningu kyns í vega­bréfum er nefni­lega hætt við að finna fyrir for­dómum og verða fyrir á­reitni á ferða­lögum vegna kyn­skráningarinnar,“ skrifar Andrés Ingi Jóns­son, þing­maður Pírata, í nýjum pistli á Vísi.

„Ríkis­stjórn Ís­lands hefur barið sér á brjóst og sagst standa með kyn­segin fólki – svo ég varð fyrir miklum von­brigðum þegar svar barst frá dóms­mála­ráð­herra við fyrir­spurn sem ég lagði fram um stöðu hlut­lausrar skráningar kyns í vega­bréfum.“

„Í svarinu kemur fram að ráðu­neytið hafi ekki gripið til sér­stakra að­gerða til að verja hand­hafa vega­bréfa með hlut­lausa kyn­skráningu fyrir á­reitni eða for­dómum. Enn fremur hefur ekkert verið at­hugað eða rætt um það hvernig megi breyta reglum um vega­bréf þannig að dregið sé úr hættunni á slíku á­reiti. Ráðu­neytið veit ekki einu sinni hvort eða hvaða ríki viður­kenni vega­bréf er­lendra ríkis­borgara með hlut­lausa skráningu kyns,“ heldur Andrés á­fram.

Andrés segir að ljóst er af svörunum að dóms­mála­ráðu­neytið er al­gjör­lega úti að aka:

„Dóms­mála­ráðu­neytið hefur ekki upp­lýsingar…“, „Upp­lýsingar [...] liggja ekki fyrir í dóms­mála­ráðu­neytinu…“, „Ekki hefur komið til um­ræðu í dóms­mála­ráðu­neytinu…“, „Ekki hefur komið til at­hugunar í dóms­mála­ráðu­neytinu…“, „Dóms­mála­ráðu­neytinu hafa ekki borist upp­lýsingar…“

„Þetta er senni­lega eitt kæru­lausasta og slakasta svar sem ég hef fengið við fyrir­spurn á ferli mínum sem þing­maður. Hvernig ætlar ríkis­stjórnin að halda því fram að hún standi vörð um mann­réttindi, vinni gegn for­dómum eða berjist gegn hatur­s­orð­ræðu ef hún leggur engan metnað í að skoða stöðu jaðar­settra hópa? Það dugar nefni­lega ekki bara að segjast ætla að gera eitt­hvað, það þarf að skoða stöðuna í al­vöru, móta að­gerðir og hrinda þeim í fram­kvæmd. Annars er hópnum lítill greiði gerður. Það vekur upp falskar vonir og leiðir til sárs­auka­fullra von­brigða þegar á hólminn er komið,“ skrifar Andrés.

Hægt er að lesa pistil Andrésar í heild sinni hér.