Alræmdi svikahrappurinn Simon Hayut sem öðlast hefur heimsfrægð í heimildarmyndinni Tinder Swindler virðist vera staddur á Íslandi ef marka má skjáskot sem gengur nú um á milli íslenskra kvenna á samfélagsmiðlum.
Fréttablaðið greindi fyrst frá málinu. Á skjáskotunum skrifar Simon, sem svikið hefur fé úr tugum kvenna víðsvegar um Evrópu, að hann hafi leigt allt Reykjavík Edition Hotel.
Hann sé staddur hér á landi til að taka bensín á einkaþotuna sína. Ljóst er að ef satt er að um er að ræða svikahrappinn er um að ræða helbert bull.
Eins og fram kemur ífrétt Fréttablaðsins hefur Simon þessi setið inni fyrir svik sín. Hann er nú hinsvegar frjáls maður en hann kynnist konum á Tinder, fær þær til að verða ástfangnar af sér áður en hann biður þær um fé vegna meintra óvina sinna.
Simon hefur meðal annars þóst vera sonur demantaauðjöfurs, leyniþjónustumaður og flugmaður. Talið er að hann hafi svikið milljónir út úr saklausum konum.
Frétt Fréttablaðsins þar sem má sjá skjáskotin.
