„Á­hyggju­efni að stjórn Dómara­fé­lagsins skilji ekki muninn á kjara­skerðingu og leið­réttingu of­greiddra launa“

Eva Hauks­dóttir, lög­maður, segir um­mæli Dómara­fé­lags Ís­lands um at­lögu að dóms­valdinu koma á ó­vart. Þetta skrifar hún í skoðana­grein sem birtist á Vísi í gær.

„Fjár­sýsla ríkisins gerir mis­tök með þeim af­leiðingum að laun upp á 105 milljónir eru of­greidd. Fjár­sýslan hyggst krefja 206 há­launa­menn um endur­greiðslu, sem svarar um þriðjungi mánaðar­launa hvers og eins. Það er ekki við öðru að búast en það þeir sem krefja skal um endur­greiðslu mót­mæli því,“ segir Eva.

Yfir­lýsing stjórnar Dómara­fé­lags Ís­lands var birt á per­sónu­legu svæði formanns fé­lagsins á Face­book. Í henni segir meðal annars: „Dómara­fé­lag Ís­lands mót­mælir harð­lega ó­lög­mætri á­kvörðun fjár­mála­ráð­herra um ein­hliða og aftur­virka skerðingu á kjörum dómara. Á­kvörðunin er í and­stöðu við gildandi lög um launa­kjör dómara og með henni er vegið af rétti borgaranna til rétt­látrar máls­með­ferðar fyrir sjálf­stæðum og ó­vil­höllum dóm­stóli.“

Eva segir það vera á­hyggju­efni ef stjórn Dómara­fé­lagsins skilji ekki muninn á kjara­skerðingu og leið­réttingu of­greiddra launa. „Þau laun sem dómarar og aðrir helstu em­bættis­menn landsins hafa fengið greidd síðustu þrjú árin voru ekki í sam­ræmi við lög­lega á­kveðin kjör þeirra, hér er því ekki um kjara­skerðingu að ræða,“ segir hún.

„Stærra á­hyggju­efni er þó sú af­staða stjórnarinnar að á­kvörðun fjár­mála­ráð­herra vegi að rétti borgaranna til rétt­látrar máls­með­ferðar fyrir dómi,“ segir hún og veltir því fyrir sér hvað þetta þýði.

„Á stjórn Dómara­fé­lagsins við að þegar dómarar njóti ekki lengur góðs af mis­tökum ríkisins aukist hættan á því að þeir dæmi eftir ein­hverju öðru en lögunum? Já, svo virðist vera,“ segir hún.

„Til að kóróna allt talar stjórnin svo um að þessi "at­laga" fram­kvæmda­valdsins að dóms­valdinu eigi sér ekki hlið­stæðu í ís­lenskri réttar­sögu. Þessi orð lætur stjórnin falla réttri viku eftir að ríkið viður­kennir að hafa brotið gegn fjór­tán manns með því hvernig fram­kvæmda­valdið stóð að skipun dómara í Lands­rétt,“ segir hún.

Hún segist hafa meiri á­hyggjur af móður­sýkis­legum við­brögðum dómara­fé­lagsins við fréttum en því fram­kvæmda­valdið refsi dómurum með launa­lækkun. „Við erum að tala um ein­hverja valda­mestu og launa­hæstu stétt landsins, fólk sem er í betri að­stöðu til að sækja rétt sinn en nokkur annar hópur sam­fé­lagsins, segir hún.

Að lokum segir Eva: „Kannski ætti stjórn Dómara­fé­lagsins að taka helgina í það að róa sig áður en hún fer fram á Face­book næst. Í al­vöru talað; þú skáldar ekki þennan skít.“