Óhætt er að segja að leikstjórinn Ágúst Guðmundsson hafi fundið fjársjóð á heimili sínu fyrir skemmstu, en þá kom í leitirnar kasetta sem var flestum geymd og grafin. Um er að ræða jólalag sem hann og Valgeir Guðjónsson, kenndur við Stuðmenn, sömdu fyrir margt löngu.
Fréttablaðið fjallar um þetta skemmtilega mál í dag.
„Ég fann þetta bara í pappakassa uppi á lofti,“ segir Ágúst en lagið ber nafnið Góðan dag og gleðileg jól!
Ágúst kveðst hafa farið rakleitt með það í rafræna vinnslu og nú hafa þeir félagar í hyggju að gleðja þjóðina á tímum faraldurs. Hann segir að lagið hafi verið tekið upp 1984 eða 1985 og jafnvel fyrr.
„Þegar ég hlustaði á lagið aftur þá fannst mér þetta nú talsvert fyndnara en mig minnti. Og það fannst Valgeiri reyndar líka. Þetta kom honum rosalega á óvart enda var hann alveg búinn að gleyma þessu.“
Nánar má lesa um þetta á vef Fréttablaðsins.
