Á­fengis­sala á Ís­landi rauk upp í apríl

Gríðar­leg sölu­aukning varð í Vín­búðunum í ný­liðnum apríl saman­borið við sama mánuð í fyrra. Sölu­aukningin nam sam­tals tæpum 28 prósentum og seldust 471 þúsund fleiri lítrar í mánuðinum.

Frá þessu greinir Morgun­blaðið í dag.

Aukningin var mest í sölu á rauð­víni (49%), hvít­víni (41%) og bjór (22%). Alls seldust 2.167.100 lítrar af á­fengi í apríl­mánuði en til saman­burðar seldust 1.696.600 lítrar í apríl í fyrra.

Í frétt Morgun­blaðsins kemur einnig fram að sala á á­fengi í komu­verslun Frí­hafnarinnar hafi hríð­fallið. Það þarf ekki að koma á ó­vart enda flug­sam­göngur nánast legið niðri með öllu undan­farnar vikur. Alls seldust 3.975 lítrar af á­fengi í komu­verslun Leifs­stöðvar í apríl en í fyrra seldust 195.452 lítrar, eða 98% meira en í ár.