Í þættinum Matur og heimili í kvöld heimsækir Sjöfn Þórðar Gróðurhúsið og hittir Brynjólf Baldursson einn eiganda og fær innsýn í lífsstíls hótelið sem á sér enga líka.
Lífsstíls hótelið, The Greenhouse Hotel, er með áherslu á hágæða herbergi ásamt lifandi og skemmtilegri upplifun gesta. „Við erum að ljúka við að bæta við hér við glæsilegri útiaðstöðu uppi á toppi þar sem gestir geta notið sín með hækkandi sól,“ segir Brynjólfur.
![Screenshot 2022-08-09 at 13.08.49.png](http://frettabladid.overcastcdn.com/images/539404.width-800.png)
Einnig er þar að finna einstakan bar þar sem töfrarnir gerast, Nýlendubarinn. Nýlendubar Kormáks og Skjaldar er ævintýralega skemmtilegur en þar er hægt að upplifa suðræna stemningu og skála í svalandi drykk undir pálmatré.
![Screenshot 2022-08-09 at 12.20.47.png](http://frettabladid.overcastcdn.com/images/539405.width-800.png)
„Okkur langaði til að bjóða upp á lifandi stemningu sem minnir á Havana á Kúbu, með suðrænu ívafi og láta tónana óma í þeim anda,“ segja þeir Kormákur og Skjöldur. Nýjasti hlutinn barsins var opnaður í sumar á þaki hússins sem hefur notið mikilla hylli gesta. Hvað er skemmtilegra en að njóta suðræna stemningar en á þakbarnum í Gróðurhúsinu?
![Screenshot 2022-08-09 at 13.08.58.png](http://frettabladid.overcastcdn.com/images/539406.width-800.png)
En barinn nær einnig til setustofu annarrar hæðar og þaksvala með frábæru útsýni til suðurs.
Meira um leyndardóma Gróðurhússins og Nýlendubarsins í þættinum Matur og heimili á Hringbraut í kvöld klukkan 19.00 og aftur klukkan 21.00.
Hægt er að sjá brot úr þætti kvöldsins hér: