Ævar vildi ekki taka þátt í vegan­þætti Lóu: „Myndi ekki þola 4 vikur af þriðja flokks næringu“

Ævar Aust­fjörð, sem vakið hefur at­hygli fyrir að borða einungis dýra­af­urðir, segist hafa hafnað boði Lóu Pindar Al­dísar­dóttur um að taka þátt í þáttunum Kjöt­ætur óskast!.

Þættirnir vöktu tals­verða at­hygli í vetur en síðasti þátturinn var sýndur á Stöð 2 í gær­kvöldi. Í þáttunum tóku fjórar fjöl­­skyldur þátt í fjögurra vikna vegan­til­raun, en eins og nafnið gefur til kynna áttu fjöl­skyldurnar einungis að borða vegan­fæði þennan tíma.

Lóa Pind tók einnig þátt en eins og Hring­braut greindi frá í morgun gafst Lóa Pind upp að þessum tíma liðnum. Viður­kenndi Lóa að til­raunin hefði í senn verið skemmti­leg en erfið, enda þurfti hún að neita sér um flest það sem henni þykir best.

„Í fyrra­sumar hringdi Lóa Pind Al­dísar­dóttir í mig og bað mig að taka þátt í sjón­varps­þætti sem var í bí­gerð og hún kallaði Kjöt­ætur óskast. Í þáttunum átti sem sagt fólk að gerast vegan í 4 vikur til að minnka kol­efnis­sporið. Eftir nokkur sím­töl og e-mail sam­skipti af­þakkaði ég þetta mjög svo slæma boð. Ekki illa meint Lóa,“ segir Ævar í færslu á Face­book.

Hann segist hafa út­skýrt fyrir henni hvers vegna hann hafnaði boðinu. „Fyrsta á­stæðan var vegna þess að ég vissi að heilsa mín myndi ekki þola 4 vikur af þriðja flokks næringu,“ segir Ævar og bætir við að önnur á­stæða sé sú að sú kol­efnis­reikni­vél sem stuðst er við gefi ekki rétta mynd.

„Ég sagði Lóu líka að vegan fæði myndi auka lyfja­notkun og það þyrfti að reikna það inn í dæmið. Kol­efnis­spor lyfja­iðnaðarins í Banda­ríkjunum er hærra en alls land­búnaðar. Mér sýnist a.m.k. helmingur þátt­tak­enda stefna á aukna lyfja­notkun með sama á­fram­haldi. Það virðist vera að vegan fæði geti hentað ein­hverjum ör­fáum. En fæstir þola það til lengri tíma. Vel saman­sett fæði er ALLTAF betra með dýra­af­urðum,“ full­yrðir Ævar sem telur að hann hafi tekið rétta á­kvörðun.

„Eftir að hafa fylgst með þáttunum þá er nokkuð ljóst að ég tók rétta á­kvörðun. Fjögurra vikna brjóst­sviði, við­rekstur og lið­verkir hefðu ekki verið þess virði. Svo að­eins fátt sé talið.“

Eins og sést hér að framan er Ævar lítill að­dáandi vegan­fæðis. Í septem­ber 2019 fagnaði hann því til dæmis að hafa þá í rúm tvö ár einungis borðað kjöt eða dýra­af­urðir. Hann heldur úti Face­book-síðunni Iceland Carni­vor­e Tri­be-Kjöt­ætur, en eins og nafnið gefur til kynna er grúppan fyrir þá sem hafa á­huga á að neyta ein­göngu kjöts eða dýra­af­urða.