Unnar voru skemmdir á ærslabelg í 88 húsinu, félagsmiðstöð fyrir börn og unglinga á Suðurnesjum, á dögunum. Í skeyti frá lögreglu kemur fram að ærslabelgurinn sé ónýtur eftir athæfið og er tjónið metið á tvær milljónir króna.
Nokkuð hefur verið um skemmdarverk og þjófnaði í umdæmi lögreglunnar á Suðurnesjum á síðustu dögum. Þannig urðu tveir byggingakranar á Ásbrú fyrir barðinu á skemmdarvörgum, sem brutu fjögur ljós á þeim og fjarlægðu þrjú öryggi úr rafmagnstöflum.
Auk þessa rannsakar lögregla innbrot og þjófnað úr Vallarhúsinu. Öryggismyndavélar sýndu þrjá aðila ganga á allar dyr og glugga sem endaði með því að þeir brutu sér leið inn með því að sparka upp hurðina út á völl. Þeir höfðu á brott með sér fartölvu, vallarhátalara, soundbar, myndvarp, PS4 og fleira.
Knattspyrnudeild Njarðvíkur birti myndband úr öryggismyndavélum á Facebook og biðlaði til fólks að deila myndbandinu í þeirri von að skemmdarvargarnir fyndust. „Því miður eru ónytjungar á meðal vor sem eiga hvergi heima nema í tukthúsinu,“ sagði í færslunni.
Nú vantar okkur ykkar aðstoð kæru vinir. Við erum með til rannsóknar innbrot þar sem talsverðu magni af raftækjum var...
Posted by Lögreglan á Suðurnesjum on Mánudagur, 14. september 2020
