Skipaður hefur verið stýrihópur fjögurra ráðuneyta sem mun fara fyrir endurskoðun á örorkulífeyriskerfinu í samræmi við áherslur í stjórnarsáttmála ríkisstjórnarinnar. Ráðuneytin fjögur sem um ræðir eru forsætisráðuneytið, fjármála- og efnahagsráðuneytið, heilbrigðisráðuneytið og félags- og vinnumarkaðsráðuneytið. Það síðastnefnda stjórna hópnum.
Steingrímur J. Sigfússon, fyrrverandi formaður Vinstri Grænna og ráðherra, hefur verið skipaður formaður stýrihópsins en aðrir meðlimir hópsins eru Henný Hinz, Óli Björn Kárason og Eygló Harðardóttir.
Skipun Steingríms sem formaður hefur vakið furðu marga. Ingu Sæland segist vera óglatt. „Það er ekki eins og þessi einstaklingur hafi ekki haft þúsundföld tækifæri og völd til að leiðrétta svívirðilega meðferð stjórnvalda á öryrkjum og framfærslu þeirra. Mér er óglatt svo ekki sé meira sagt,“ segir Inga í færslu sem birtist á Facebook síðu hennar.
Illugi Jökulsson er sammála Ingu. Hann segir ríkisstjórn Katrínar vera orðin gefin fyrir grín og glens á seinna kjörtímabilinu. „Núna er búið að senda út grínfréttatilkynningu um að Steingrímur J. og Óli Björn Kárason eigi að leiða endurskoðun á örorkulífeyriskerfinu,“ segir Illugi í færslu á Facebook síðu hans.
„Skemmtilegt grín, ha, finnst ykkur ekki? – eða… er þetta ekki örugglega grín?“ bætir hann við.
