Að­stand­endur leggja fram kröfur sínar gegn Magnúsi: „Kýldi og traðkaði í­trekað á höfði hans og brjóst­kassa með þeim af­leiðingum að hann lést“

Að­stand­endur mannsins sem lést í Barða­vogi þann 4. júní síðast­liðinn hafa lagt fram níu bóta­kröfur.

Rúm­lega tví­tugur karl­maður, Magnús Aron Magnús­son, hefur verið á­kærður fyrir að hafa banað fjöl­skyldu­föður á fimm­tugs­aldri fyrir utan heimili hans að Barða­vogi. Honum eru gefið að sök að hafa ráðist á manninn fyrst inni á stiga­gangi hússins og síðan utan við húsið þar sem hann sparkaði í, kýldi og traðkaði í­trekað á höfði hans og brjóst­kassa með þeim af­leiðingum að hann lést.

Þetta kemur fram íá­kærunni sem Frétta­blaðið hefur undir höndum. Fyrir­taka fór fram í málinu fyrr í vikunni.

Hver krafa hljóðar upp á þrjár milljónir auk 1,5 milljóna út­farar­kostnaðar í tveimur til­vikum, bætur vegna missis fram­færanda að fjár­hæð 3.130.691 króna í einu til­vikanna og 7.284.216 öðru til­vikanna og máls­kostnaðar. Alls eru þetta kröfur upp á 40.414.907 króna.

Í einka­réttar­kröfu eigin­konu mannsins er krafist þess að hinn á­kærði greiði henni þrjár milljónir í miska­bætur, 1,5 milljónir fyrir út­farar­kostnað og máls­kostnað.

Hinn látni lætur eftir sig fjögur börn á aldrinum tveggja til 24 ára en þau eru öll með kröfu upp á þrjár milljónir í miska­bætur.

Á myndinni hér að ofan má sjá Magnús leiddan á brott af lögreglu eftir að hann eyðilagði spjald hjá hópi sem mótmælti meðferð stjórnvalda á f lóttafólki hér á landi í mars 2019.