Að­gerðirnar virkuðu vel en komu bara allt of seint

Jón Magnús Jóhannes­son, deildar­læknir á Land­spítalanum, segir það ekki rétt að nýjustu vendingar í heims­far­aldrinum hafi sýnt að sótt­varnar­að­gerðir virki ekki. Málið er rætt inni á Face­book hópnum „Vísindi í ís­lenskum fjöl­miðlum.“

Þar er frétt af um­mælum Willum, heil­brigðis­ráð­herra, að þjóðin þurfi að fara í gegnum tíma­bundinn kúf í far­aldrinum. Spyr þá net­verji hvort eitt­hvað sé verið að undir­búa bylgjuna á eftir þessari.

„Þór­ólfur vildi þrisvar setja meiri tak­markanir á skóla­hald til að hefta út­breiðslu þar en núna feldur Willum sig á bak­við það að að­gerðir hafi ekki borið árangur
Eigum við nóg af heil­brigðis­starfs­fólki til að tækla þá mar­tröð sem við erum á leiðinni inn í?
Er svo eitt­hvað verið að undir­búa bylgjuna á eftir þessari?“

Þá svarar Jón Magnús:

„Það ætti að vera öllum ljóst miðað við stöðuna núna að að­gerðirnar virkuðu víst mjög vel. Þær voru bara settar inn allt of seint og sumum ráð­lögðum inn­gripum var hrein­lega ekki beitt.
Sótt­kví, ein­angrun, grímur og fjölda­tak­markanir virka. Punktur. Spurningin er alltaf hve­nær á að nota þessi inn­grip og við hvaða að­stæður.“