Aðgerðir í tíu liðum í efnahagsmálum sem nefnast Varnir, Vernd og Viðspyrna var kynnt af hálfu formanna ríkisstjórnarflokkanna á laugardag. Áætluð áhrif eru 230 milljarðar en sitthvað mun koma til baka í ríkissjóð þegar fram líður. Aðgerðirnar eru til að sporna við samdrætti vegna áhrif Covid – 19 smitanna á þjóðfélagið.
Þarna má finna tímabundinn stuðning við atvinnulífið og fjölskyldur með frestun á greiðslu ýmissa opinberra gjalda, ríkisstuðning við launagreiðslur starfsmanna í sóttkví, óskilyrta úttekt séreignasparnaðar og stuðning til fyrirtækja með svokölluðum Brúarlánum sem ríkið ábyrgist, barnabótaauka og tímabundna niðurfellingu gistináttagjalds sem og hraðari lækkun bindiskyldu bankanna. Hlutastarfaleiðin var einnig kynnt og viðbótarfjárfestingar hins opinbera koma til framkvæmda fyrir 20 milljarða króna koma til á þessu ári.
Þorsteinn sem situr í efnahags- og viðskiptanefnd ræddi í dag við Lindu Blöndal niðri á Alþingi í dag.
Hann bendir á að í kynningu ríkisstjórnarinnar sé talað um 230 milljarða króna aðgerð en 170 milljarðar séu fyrst og fremst greiðslufrestir og lánveitingar til atvinnulífsins. En 60 milljarðar séu bein innspýting ríkissjóðs inn i hagkerfið.
„Ég held að það skipti miklu máli að við hér í þinginu vinni þetta hratt og örugglega og betrumbæti þær tillögur sem eru komnar“, segir Þorsteinn og aðgerðir núna eigi ekki að snúast um pólitísk yfirboð.
Gagnrýnir að greiðslufrestur verði ekki víðtækari
„Það er ekki tekið á greiðslufresti á virðisaukagjaldi núna sjötta apríl. „Það er mjög býnt að ná til hans líka, ég held að það þurfi líka að horfa til aðflutingsgjalda á tolli og í raun og veru öll opinber gjöld séu undir einhvers konar greiðslufrest tl næstu þriggja mánaða“.
„Við erum að horfa á einhvers konar stopp á greiðslum í atvinnulífinu“
Þorsteinn nefnir opinberar framkvæmdir sem nefndar eru í aðgerðarpakkanum: „Þar hljótum við að geta gert aðeins meira. Þetta eru 15 milljarðar samtals, sex milljarðar í auknum vegaframkvæmdum. Ég held að við ættum að horfa til þess að það sé meira“.
„Við skulum horfa til hjúkrunarheimila. Það er búið að tala svo mikið um uppbyggingu hjúkrunarheimila og það er ekki að finna í plönum þessarar ríkisstjórnar um aukna innspýtingu þar og ég spyr, ef ekki núna, hvenær þá?“, spyr Þorsteinn og líka að framkvæmdir og bætt dreifikerfi rafmagns séu framkvæmdir sem þurfi að fara í.
En er ekki hætt við því að fyrirtækin verði yfirskuldsett þegar allt er yfir staðið þegar aðgerðirnar snúa að frestum á opinberum gjöldum og lántökum?
„Jú það er auðvitað töluverð hætta á því og við verðum auðvitað að, ja það er ekki til nein uppskriftarbók að svona löguðu heldur en þegar hrunið varð“.
