„Að ríg­halda í skoðun er ekki dyggð“

Sæ­var Helgi Braga­son gefur lítið fyrir gagn­rýni á Þór­ólf Guðna­son, sótt­varna­lækni og skoðanir hans á grímu­notkun Ís­lendinga. Sæ­var tjáir sig um málið á Twitter.

„Fólk deilir gamalli frétt um sótt­varna­lækni þar sem hann mælti gegn notkun á grímum,“ skrifar Sæ­var. Hann tekur ekki fram til hvaða færslna hann vísar til en líkt og margir muna ef­laust mælti Þór­ólfur ekki með grímu­notkun í upp­hafi heims­far­aldursins.

Hann hefur dregið það til baka síðan og mælir nú með þeim alls­staðar þar sem ekki er hægt að tryggja tveggja metra fjar­lægð á milli fólks.

„Já, það vefst fyrir merki­lega mörgum að vísinda­menn skipta jafnan um skoöun þegar nýjar upp­lýsingar koma fram. Að ríg­halda í skoðun er ekki dyggð, sér í lagi þegar upp­lýsingar breytast,“ skrifar Sævar.

Víðir Reynisson, yfirlögregluþjónn gerði grímunotkun fólks, eða skort þar á að umtalsefni á blaðamannafundi almannavarna nú í hádeginu.

„Það er ótrúlegt að heyra dæmi frá starfsfólki verslana um ókurteisi, hótanir og nánast ofbeldi frá viðskiptavinum þegar starfsmenn, sem oft er ungt fólk, er við dyrnar og er að leiðbeina fólki. Þetta er alveg ótrúlegt. Við erum að reyna að vinna þetta saman og þetta er svo mikið kjaftæði að ég trúi bara ekki við séum að takast á við þetta núna,“ sagði Víðir á upplýsingafundi í dag.