30 CO­VID-19-smit greindust hér á landi í gær

30 ein­staklingar greindust með CO­VID-19-smit hér á landi í gær, sam­kvæmt tölum sem birtust á vefnum CO­VID.is nú klukkan 11. Á föstu­dag greindust 75 smit og 38 smit á laugar­dag.

Fimm­tán ein­staklingar voru í sótt­kví þegar þeir greindust í gær en fimm­tán utan sótt­kvíar. Tveir ein­staklingar eru á sjúkra­húsi eins og verið hefur undan­farna daga.

Þrjú smit greindust á landa­mærunum og er beðið eftir niður­stöðu mót­efna­mælingar úr þeim öllum.

Rúm­lega 2.100 manns eru nú í sótt­kví og 242 í ein­angrun. Frá 28. febrúar síðast­liðnum hafa 2.377 smit greinst hér á landi.