Alls greindust 29 kórónuveirusmit hér á landi í gær sem er svipað og daginn þar áður. Tuttugu einstaklingar voru í sóttkví, eða 71%. Þá greindust níu smit á landamærunum.
Þetta kom fram í máli Rögnvaldar Ólafssonar aðstoðaryfirlögregluþjóns á upplýsingafundi Almannavarna sem hófst klukkan 11:03.
Alls er 71 einstaklingur á sjúkrahúsi með veiruna og þrír á gjörgæslu.
Undanfarna daga hefur fjórtán daga nýgengi innanlandssmita á hverja 100 þúsund íbúa lækkað hratt. Sú tala stendur nú í 183,5 en fór hæst í 291,5 um miðjan októbermánuð.
