Telur þingmenn í samstarfi við fréttamenn: „Störf þingsins einkennist af upp­hlaup­um og gaura­gangi“

„Nú hálfu ári eft­ir að rík­is­stjórn­in var mynduð ein­kenn­ast störf alþing­is mjög af alls kyns upp­hlaup­um og gaura­gangi. Nýir þing­menn í stjórn­ar­and­stöðuflokk­um keppa eft­ir að kom­ast í sviðsljós fjöl­miðla og nýta sér þingsal­inn til þess. Raun­ar þarf ekki nýja þing­menn til aug­lýs­inga­mennsku í þingsaln­um. Helga Vala Helga­dótt­ir, þing­flokks­formaður Sam­fylk­ing­ar­inn­ar, var í ein­kenn­is­bol íþrótta­fé­lags þegar efnt var til úr­slita­leiks í körfu­bolta.“

Þetta segir Björn Bjarnason, fyrrverandi ráðherra, í grein sem birtist í Morgunblaðinu um helgina. Hann segir þing­störf nú ein­kenn­ast af upp­hlaup­um vegna frétta eða jafnvel „fréttaþátta“ eins og hann kallar það. Og gagnrýnir hann sérstaklega Sigríði Dögg Auðunnsdóttur, formann blaðamannafélags Íslands.

„Stund­um er greini­lega um sam­spil milli frétta­manna og þing­manna að ræða. Mark­miðið er að þjarma sem mest að ein­stök­um ráðherr­um. Eft­ir að hart hef­ur verið að þeim sótt í þingsaln­um tek­ur sjálf­ur formaður Blaðamanna­fé­lags Íslands við þeim í Kast­ljósi og skip­ar sér í sæti ákær­and­ans, jafn­vel með þing­mann úr stjórn­ar­and­stöðunni sér til halds og trausts.“

Björn segir að svo virðist sem þingmenn hafi gleymt hlutverki sínu, sem hann segir að sé fyrst og fremst að: „vinna að laga­setn­ingu og gerð form­legra álykt­ana, fara í saum­ana á frum­vörp­um, grandskoða þau, leggja fram rök­studd­ar til­lög­ur til breyt­inga eða um­bóta,“

„Fyr­ir­spurna­flóð frá þing­mönn­um um op­in­ber fjár­mál og störf ráðherra bend­ir til þess að þing­menn vantreysti þess­um stofn­un­um eða viti hrein­lega ekki hvert er hlut­verk þeirra. Þá hafa lög­skýr­ing­ar þing­manna í of­stopa­full­um stíl ekk­ert raun­veru­legt gildi. Það er hlut­verk dóm­ara að túlka lög­in og úr­sk­urða um inn­tak þeirra.“

Þá minnst Björn sérstaklega á tvö mál: Íslandsbanakamálið og brottvísanamálið sem hefur verið alsráðandi í þessari viku.

„Eft­ir páska og fram að þing­hléi vegna sveit­ar­stjórn­ar­kosn­ing­anna 14. maí sl. tóku stjórn­ar­and­stæðing­ar stór­yrta syrpu í þingsaln­um um sölu á eign­ar­hlut í Íslands­banka. Hafi flokk­arn­ir ætlað að efla fram­bjóðend­ur sína og auka fylgið mis­heppnaðist það – nema kannski hjá Pír­öt­um.

Nú í þess­ari viku var tek­in jafn­vel stór­yrt­ari syrpa í þingsaln­um vegna þess að ekki var unnt að fram­kvæma ákv­arðanir um brott­vís­an­ir þeirra sem dvelj­ast hér ólög­lega á meðan strang­ar ferðaregl­ur giltu í heims­far­aldr­in­um.“

Þá greinir Björn lög­bund­inn gang­ brottvísanamálanna og segir stjórnarandstöðuna ekki bera neina virðingur fyrir þeim.

„Lög­bund­inn gang­ur er þessi: Útlend­inga­stofn­un af­greiðir um­sókn á stjórn­sýslu­stigi. Niður­stöðu henn­ar má áfrýja til úr­sk­urðar­nefnd­ar út­lend­inga­mála. Í ferl­inu nýt­ur hæl­is­leit­andi fram­færslu og hef­ur lög­lærðan tals­mann sér við hlið. Sé úr­sk­urður um­sækj­anda í óhag ber hon­um að hlíta hon­um og fara úr landi, að öðrum kosti brýt­ur hann lög með dvöl sinni hér.

Stjórn­ar­andstaðan vill að þessi laga­ákvæði séu höfð að engu. For­sæt­is­ráðherra sagði í út­varps­viðtali miðviku­dag­inn 25. maí að það væri „mjög mik­il­vægt að horfa á sam­setn­ingu þessa hóps, reyna að meta aðstæður“. Hóp­ur­inn væri ekki eins­leit­ur og yrðu mál­efna­leg sjón­ar­mið að ráða niður­stöðunni. Málið hefði verið unnið inn­an gild­andi laga sem samþykkt hefðu verið í víðtækri sátt. Nýta skyldi svig­rúm inn­an lag­aramm­ans til að fylgja þeim meg­in­leiðarljós­um um mannúð sem mótuðu lög­in. Nú væri Jón Gunn­ars­son dóms­málaráðherra að fara yfir þessi atriði.

Í orðum for­sæt­is­ráðherra felst að farið sé að stjórn­sýslu­lög­um um meðal­hóf. Það orð er ekki til í bók­um stjórn­ar­and­stöðunn­ar. Þar ræður of­stækið för. Í þing­skap­a­lög­um ætti meðal­hófs­regla að gilda um þing­menn.“