Langtum flestir lántakendur kjósa að taka verðtryggð lán. Um áttatíu prósent húsnæðislána eru verðtryggð. Ríkisstjórn Íslands vill að breytingar á verðtryggðum lánum verði forgangsmál á haustþinginu, sem hefst eftir fáa daga.
Í fréttum Ríkissjónvarspins í kvöld sagði Sigurður Ingi Jóhannsson forsætisráðherra að helst komi til greina að meina fertugu fólki og eldra að taka verðtryggð lán, lán sem verði ekki að fullu greidd þegar fólk fer á eftirlaun.
Þetta getur ekki verið satt, en er það samt. Þegar meirihuti lántakenda kýs verðtryggð lán gengur bara ekki að mismuna fólki, sem vill eða þarf, að taka lán eftir aldri fólks. Það er bara galið. Og hvers vegna er vilji til að gera það? Af því bara?
Þegar ríkissjórnin var mynduð og kynnti starfsáætlun sína var þetta að finna þar:
„Sérfræðinefnd um afnám verðtryggingar af neytendalánum og endurskipulagningu húsnæðislánamarkaðarins verður skipuð á fyrstu dögum nýrrar ríkisstjórnar og mun skila af sér fyrir næstu áramót.“
Í fyrsta þingmáli ríkisstjórnarinnar segir orðrétt: „Settur verði á fót sérfræðingahópur um afnám verðtryggingar af neytendalánum. Tillögur og tímasett áætlun liggi fyrir í lok árs 2013.“
Framsóknarflokkurinn lofaði áfnámi verðtryggingar og stefnir í áfanga í því máli. Afnám verðtryggingar fyrir miðaldara og eldri.
Okkur kann að finnast eitt og annað um verðtryggingu. Hitt er ljóst, að flestir lántakar kjósa hana. Öll vitum við hvers vegna.
„Þessi staða vaxtaokurs og verðtryggingar er algjörlega óviðunandi og þarf ekki að vera svona,“ sagði Sigmundur Davíð Gunnlaugsson þá forsætisráðherra í viðtali við mig í október 2015.
Er þá lausnin að banna verðtryggingu fyrir ákveðna hópa fólks, en aðra ekki?
