Mörgum er annt um heilsuna og velta fyrir sér hverri hitaeiningu. Þá telja sumir að hollur matur geti hreinlega ekki verið bragðgóður en það er nú öðru nær. Við birtum hér uppskrift að heilsupítsu sem fengin var frá þáverandi eiganda Italiano. Þessa uppskrift er auðveldlega hægt að gera heima.
Uppskriftin er svohljóðandi:
Botn 12“ (195gr):
125 g fínt eða gróft spelt.
0,8 dl vatn.
½ tsk olía.
½ tsk salt.
½ tsk sykur (má sleppa).
Smá dass þurrger (0,5 grömm sirka)
Handhnoðið, bæta má við vatni ef deigið verður of stíft. Ekki er hægt að bæta við spelti eftir að byrjað er að hnoða, degið getur orðið kekkjótt og blandast ekki eins vel saman. Hnoðið deigið þangað til það er orðið vel blandað og dúnamjúkt. Látið deigið standa úti í 20 mínútur og setjið svo inn í kæli í lágmark hálfan dag.
Sósa:
2 msk La Italiana Plum tomatoes.
2 msk Crushed tomato.
1 ½ msk Extra heavy pizzasósa.
(eða sambærilegar sósur)
Smá oregano.
Smá fersk basilika.
Smá pressaður hvítlaukur.
Svo er settur sirka 80 g pizzaostur.
Samtals: 690 kkal.
Tillaga að áleggi:
Tómatar, sveppir, laukur, paprika, gráðaostur og klettasalat (þegar búið er að baka) 786 kkal.
