Jón Steinar skýtur föstum skotum á Sjálf­stæðis­flokkinn: „Með­sekur í hátt­semi mannsins“

Jón Steinar Gunnlaugsson, lögmaður og fyrrverandi hæstaréttardómari, gagnrýnir Sjálfstæðisflokkinn harðlega í aðsendri grein í Morgunblaðinu í dag.

Grein Jóns snýr að flokkaskiptum Birgis Þórarinssonar, fyrrverandi þingmanns Miðflokksins og núverandi þingmanns Sjálfstæðisflokksins. Honum er ekki skemmt. „Hann var ein­fald­lega að svindla á kjós­end­um, þegar hann lét kjósa sig fyr­ir flokk sem hann yf­ir­gef­ur svo strax að kjör­inu loknu vegna at­vika sem lágu fyr­ir áður en kosið var,“ segir Jón.

Jón beinir því næst spjóti sínu að Sjálfstæðisflokknum. „Ég held ég myndi varla nenna að stinga niður penna til þess eins að áfell­ast þenn­an mann fyr­ir hátt­erni hans. Það er hins veg­ar ástæða til að staldra við og spyrja, hvers vegna Sjálf­stæðis­flokk­ur­inn tek­ur þátt í þessu með hon­um? Með því hátta­lagi ger­ist sá flokk­ur meðsek­ur í hátt­semi manns­ins.“

Jón segir þingflokk Sjálfstæðisflokksins taka þátt í siðlausum brotum. „Komið hef­ur fram í frétt­um að eng­inn þing­manna flokks­ins greiddi at­kvæði gegn því að taka við hon­um. Þing­flokk­ur­inn hef­ur þá upp­lýst að hann er til í að taka þátt í siðlaus­um brot­um annarra ef hann aðeins tel­ur sig hagn­ast á því – í þessu til­viki með því að fá viðbót­ar­at­kvæði á þingi.“

Þá hafi Birgir ekki gert hreint fyrir sínum dyrum. „Það eru nokkr­ir dag­ar liðnir frá kosn­ing­um og ekki er vitað um nein tíðindi á vett­vangi stjórn­mála sem gefa mann­in­um til­efni til þess­ara sinna­skipta. Ljóst er að hann bauð sig fram und­ir fölsku flaggi, enda hef­ur hann sjálf­ur ekki skýrt at­hæfi sitt með öðru en gam­alli at­b­urðarás sem lá öll fyr­ir löngu fyr­ir kosn­ing­arn­ar,“ segir Jón.