Björn Leví hraunar yfir ríkis­stjórnina: „Lausnin er aug­ljós­lega ekki ríkis­stjórn sömu flokka á­fram“

Björn Leví Gunnars­son, þing­maður Pírata, setur út á að­gerðar­leysi ríkis­stjórnarinnar í heil­brigðis­málum í pistli á Face­book í dag. Þar vitnar hann í til­kynningu frá hjúkrunar­fræðingi á bráða­mót­töku sem send var til fjöl­miðla í dag og fjallaði um að hættu­á­stand ríki á bráða­mót­töku Land­spítalans.

Eins og fram kom á Fretta­bladid.is í morgun segir í til­kynningunni að ekki sé hægt að tryggja öryggi sjúk­linga á bráða­mót­töku Land­spítalans og að líkurnar á mis­tökum aukist þegar starfs­fólk er yfir­keyrt í vinnunni. Bið­stofa bráða­mót­tökunnar er sí­fellt yfir­full og neyðast sjúk­lingar til að bíða í fleiri klukku­tíma eftir að­stoð. Stjórn­völd þurfi að grípa til að­gerða hið snarasta og bregðast við vanda bráða­mót­tökunnar, líkt og segir í til­kynningunni.

„Þetta er ekkert nýtt,“ segir Björn og heldur á­fram: „Það er enn sama vanda­mál og við höfum vitað af allt kjör­tíma­bilið en lausn er ekki enn í aug­sýn. Það hefur verið rætt um vandann í­trekað í fjár­laga­nefnd en það hefur ekki einu sinni verið reynt að leysa þetta vanda­mál. Átak í upp­byggingu hjúkrunar­rýma? Alltaf aug­ljóst að það myndi ekki leysa vandann. Átak í heima­hjúkrun? Aldrei sagt að það myndi duga, þeas aldrei kynnt sem lausn á þessum vanda. Heilsu­gæslan sem fyrsti við­komu­staður? Nei, ekki heldur lausn á frá­flæðis­vandanum.“

Hann segir að ríkis­stjórnin hafi aldrei komið fram með neina hald­bæra lausn á vanda­málunum. „Svo ég segi það skýrt og greini­lega, ríkis­stjórnin hefur aldrei komið upp í ræðu­stól þingsins (né í við­tölum eða á öðrum vett­vangi) og sagt "við leysum frá­flæðis­vandann með því að gera x, y og z!"Það hafa verið kynntar mis­fjár­magnaðar að­gerðir sem hafa jafn­vel bara verið til þess að halda í við kerfis­lægan vöxt - og þær trompaðar upp sem efling heil­brigðis­þjónustu - en á sama tíma hefur alltaf verið aug­ljóst að vandinn yrði á­fram til staðar,“ segir Björn.

Sú ríkis­stjórn sem nú sé í burðar­liðnum sé ekki til þess fallin að leysa vandann. „Ein­hver sagði að það væri bilun að reyna það sama aftur og aftur og búast við öðrum niður­stöðum. Ég held að það eigi mjög vel við í þessu til­felli. Lausnin er aug­ljós­lega ekki ríkis­stjórn sömu flokka á­fram. Þau gerðu ekkert annað en að monta sig af árangri í heil­brigðis­þjónustu en staðan sýnir að árangurinn var samt enginn,“ segir Björn og heggur endahnútinn á pistilinn.