Breytt útlit með bílasprautun

Sumir velja að fara nýjar leiðir þegar það kemur að því að breyta til. Bryndís býr í fallegri, vel skipulagðri íbúð í Hátúni og hefur dundað sér við að innrétta hana frá því að hún keypti hana fyrir tveimur árum. Í forstofunni er stór fataskápur sem hún vildi gefa nýtt líf. Hún tók hurðirnar niður, pússaði þær og fór með þær í bílasprautun. Hún vildi hafa forstofuna bjarta og valdi því gulan háglans lit á skápinn. Hún keypti demantslaga húna í netverslun og skipti út. Útkoman er stórglæsileg og gefur forstofunni mjög einstakt útlit. Hún fór einnig með sófaborð úr Rúmafatalagernum í sömu meðferð og valdi pastel bláan lit á það. Einstaklega skemmtileg breyting.