Nýtt rifrildi á netinu: í hvaða litum er þessi jakki?

Það er um það bil eitt ár síðan það varð allt vitlaust á netinu, vegna rifrildis um lit á kjól, sem sumir vildu meina að væri blár og svartur, en aðrir vildu meina að væri hvítur og gylltur. Svo mikið reifst fólk um þetta á netinu, að taugasérfræðingar voru kallaðir til, til að skýra það út hvers vegna við ættum það til að sjá og túlka liti á mismunandi hátt.

Nú er komið upp annað rifrildi á netinu. Í þetta sinn er flíkin Adidas jakki. Sumir vilja meina að hann sé svartur og brúnn, en aðrir vilja meina að hann sé hvítur og blár. Þá eru enn aðrir á netinu sem vilja meina að jakkinn fari út í grænan blæ. Buzzfeed hefur brugðið á það ráð að gera könnun á netinu, þar sem fólk er spurt  jakkinn sé í eftirfarandi litum:

1. Blár og hvítur
2. Svartur og brúnn
3. Grænn og gylltur
4. Grænn og brúnn
5. Eða bara guð minn góður, ekki aftur!

Á vefsíðunni Hellogiggles, telur blaðamaðurinn að jakkinn sé BLÁR og HVÍTUR og biður fólk því ekki um að byrja að rífast strax. Niðurstöður lesenda Buzzfeed eru hins vegar á þá leið að flestir sjá jakkan sem brúnan og svartan á lit.

Í hvaða lit segir þú að jakkinn sé?

Zetan minnir á að þegar kjólarifrildið hófst í fyrra, fannst sumum eins og litir kjólsins væru ekkert álitamál og hann væri hvítur og gylltur. En kjóllinn varð að miklu hitamáli og því spurning um hvort stóra jakkamálið sé í uppsiglingu?

Hér að neðan má sjá niðurstöður könnunar Buzzfeed, eins og þær birtast þegar þessi grein er skrifuð. Tugir þúsunda lesenda Buzzfeed hafa tekið þátt nú þegar.