Landlæknir gefur árlega út upplýsingar um fjölda fæðinga á ári en nýjustu upplýsingar eru frá árinu 2013, þegar 4.307 börn fæddust, þar af 10 börn andvana. Í skýrslunni koma ekki fram upplýsingar um fjölda fósturmissa hjá konum á ári hverju, en Zetan rakst á áhugaverða grein á Huffingtonpost, sem fer yfir 7 algengar mýtur um fósturmissi kvenna.
Mýta 1: Fósturmissir óalgengt í dag.
Þetta er ekki rétt, en samkvæmt greininni er talið að um 15-20% tilfella, missi konur fóstur fyrir 20 viku á meðgöngu. Hins vegar er mjög mismunandi hvernig fósturmissirinn fer fram, því í sumum tilfellum getur kona misst fóstur án þess að hafa vitað um óléttuna, eða fundið fyrir fósturmissinum.
Mýta 2. Getur verið afleiðing af því að halda á þungu.
Eitt af því sem flestir passa vel uppá, er að láta ófríska konu ekki halda á einhverju þungu. Þá hlaupum við til, en þetta er tilkomið frá þeirri mýtu að konur geti misst fóstur vegna þess að þær halda á einhverju þungu. Það á þó sjaldnast ef nokkru sinni við, því í flestum tilfellum er skýringin einhver allt önnur. Litlar sannanir eru til um að kona geti misst fóstur, í kjölfar þess að halda á einhverju þungu.
Mýta 3: Afleiðing af pillunni.
Í fréttum íslenskra miðla á dögunum, er sagt frá því að afleiðing af áralangri inntöku getnaðarvarnarpillunnar, geti verið blóðtappi. Í grein Huffingtonpost, er hins vegar sagt að margir trúa því að fósturmissi geti verið afleiðing, eða um 28% samkvæmt könnun sem var gerð. Þetta er hins vegar ekki rétt og reyndar eru líka til rannsóknir, þar sem pillan er talin auka líkur á fulla meðgöngu síðar meir.
Mýta 4: Missirinn er konunni að kenna.
Það hljómar undarlega að kenna konu um fósturmissinn, en rannsóknir hafa sýnt að oft eru það konurnar sjálfar sem kenna sér um. Í rannsókn sem gerð var í Bandaríkjunum, sögðust 47% kvenna sem höfðu misst fóstur, finna fyrir samviskubiti og 41% sögðust telja að þær hefðu gert eitthvað rangt, með þeim afleiðingum að þær misstu fóstur. Þetta er hins vegar ekki rétt.
Mýta 5: Það getur ekkert læknað sársaukan við missi.
Í rannsókn sem gerð var í Bandaríkjunum, sögðust 78% kvenna sem höfðu misst fóstur, fyrst og fremst vilja fá að vita, hvað orsakaði missirinn. Þetta hefur líka sýnt sig að skipti konur miklu máli. Því upplýstari sem þær eru um mögulegar orsakir, því betur getur þeim liðið.
Því miður kom það fram í sömu rannsókn, að 57% kvenna sem missa fóstur, fá aldrei skýringu á því, hver orsökin var.
Mýta 6: Sorg fylgir ekki fósturmissi.
Aðspurð, sögðust 36% fólks líta á fósturmissi sem sambærilega sorg og að missa barn. Þetta kom einnig fram í svörum fólks, sem ekki hafði upplifað fósturmissi. Í grein Huffingtonpost er það því nefnt að eitt af því sem skiptir miklu máli innan heilbrigðisþjóustunnar, er að þar átti fagfólk sig á að sorg í kjölfar fósturmissis getur verið mikil og því mikilvægt að fólk fái þann stuðning sem það þarf, til að hjálpa sér í gegnum þá sorg.
Mýta 7: Það vill enginn vita að þú misstir fóstur.
Almennt telur fólk ekki að aðrir hafi áhuga á að heyra frásögn um fósturmissi, en það er ekki rétt. Þannig hafa kannanir sýnt að það að fá að heyra um fósturmissi, hjálpar oft mikið til. Sem dæmi, sögðust 46% kvenna sem höfðu misst fóstur, finna stuðning í því að lesa frásagnir og/eða að heyra af fréttum um annað fólk sem hefði misst fóstur. Þannig ætti það auðveldara með að skynja að fleira fólk væri í sömu sporum. Þá hafa rannsóknir sýnt að það hjálpar fólki mikið að segja vinum og vandamönnum frá fósturmissi, því í kjölfarið er fólk líklegri til að fá meiri stuðning, sem hjálpar mikið til.
