Þótt það sé ekki í samræmi við nokkurt kuldakast hér, eru ótívíræðar niðurstöður vísindasamfélagsins að vegna loftlagsbreytinga stefni í háskalega hlýnun. að mestu af manna völdum. Spáð er alheimshitahækkun allt að tveim stigum á Celsius eða jafnvel enn meiru, sem gæti gert jörðina óbyggilega. Íshella Norðurskautsins, sem skýlir sjónum fyrir sólarhita, hverfur með tímanum og skrifa nýjar má nýjar sviðsmyndir um Norðurskautið og hafssvæði þess. Yfirborð sjávar hækkar, t.a.m. svo að hafið gæti náð yfir láglendi Íslands og myndi færa alveg á kaf lágar eyjar í Kyrrahafi.
G7 hópurinn svokallaði er samráðsvettvangur helstu iðnríkja heims, nú án Rússa sem voru reknir út af Úkraínuinnrásinni, kom til fundar í júní í Þýskalandi. Þar var tekin sú stefnumarkandi ákvörðun, að þau ríki munu á þessari öld leggja alveg niður í áföngum notkun olíu, gass og kola. Þar með yrði stórátak gert í að eyða útblástri koltvísýrings ( e.decarbonise ) og þar með aðal orsök loftlagsbreytinga. Þá er þessi yfirlýsing talin gefa von um að bindandi allsherjarsamþykkt þessa efnis verði gerð á umhverfisráðstefnunni í París í desember.
Loftlagsbreytingarnar og afleiðingar þeirra ógna Íslandi ekki síður en öðrum. Olíuboranir á heimsskautsvæðinu eru sérstaklega varhugaverðar vegna hættu á mengunarslysum . Það er með öllu óskiljanlegt að stjórnvöld hafi heimilað félagi að meirihluta í kínverskri eigu olíuleit á Drekasvæðinu sem ógnað getur fiskimiðum þjóðarinnar. Væri ekki öllu nær a.m.k að tefja þá framkvæmd í 5-10 ár í samræmi við alþjóðaumræðuna ?
Á þessum tímum mikilla breytinga í heimsmálum eru margir þættir hvað varðar öryggi Íslands. Af Rússum stafar ný ógn við öryggi og stöðugleika í okkar heimshluta þótt ekki sé beinlínis gagnvart Íslandi. Sú mikla athygli sem Úkraínudeilan og stigmögnun hryðjuverkastarfsemi fær, skyggir mjög á aðra þróun sem ógnar öryggi. Það varðar vissulega Ísland að síðastliðin 2-3 ár hefur Rússlandsforseti stofnað til meiriháttar hervæðingar í Síberíu og Kolaskaga. Þetta segir Pútin nauðsynlegt til gæslu þjóðarhagsmuna en þó eru Rússar einir um hervæðingu á Norðurskautinu. Tilkynnt hefur verið um opnun nýrra herbækistöðva og annara eldri, sem voru lokaðar eftir kalda stríðið, til staðsetningar orustu- og sprengjuflugvéla , eldflauga , herskipa og kafbáta, af nýrri og öflugari gerð.Þetta gæti verið meiri hernaðarkraftur en var í kalda stríðinu, en þá dugði ekki minna til andsvars en herstöð í Keflavík
Kínverjar sölsa undir sig orku og náttúruauðlindir Afríku, Asíu og Suður Ameríku með hörku og ósvífni nýlenduvelda 19.aldar Þagað er þunnu hljóði yfir ögrandi hervæðingu og framferði þeirra við strandríkin í Suður Kínahafi sem og alheims útþenslustefnu þeirra, einnig á norðurslóðum Evrópu, þ.m.t. Íslandi. Bráðnun íshellunna veldur byltingu í samgöngum með styttingu siglingarleiðarinnar frá Kína til Evrópu eftir norð-austurleiðinni um 6.400 km. Á hafsbotni Norðurskautsins eru 19% allrar ónýttrar olíu og 25 % alls ónýtts gass, skv. mati US Geological Survey. Risahöfnin í Finnafirði, sem Þjóðverjar eru víst að hanna í kyrrþey, tröllaukin miðað önnur mannvirki landsins, yrði í senn áfanga- og umskipunarstöð fyrir starfsemi á Grænland og fyrir einhver óþekkt firn gáma vegna vöruflutninga á Norðaustursiglingaleiðinni um Norðupólinn, verðandi aðal flutningaleiðina til og frá Asíu Hvað sem öðru líður, má vera ljóst, að. Kína sækist eftir framtíðaraðstöðu á Íslandi vegna áforma í feykimiklar málmnámur á vestur og austurströnd Grænlands, orkuvinnslu í hafssvæði Grænlands og á íslenska Drekasvæðinu.Svo fjarstætt sem það er, gengur sú lygasaga að næst gleypi þeir Glitni. Kínverskir bankar og olíufyrirtæki eru tæki í höndum stjórnvalda sem er kínverski kommúnistaflokkurinn---
Nú er það alls ekki svo, að sá sem þetta skrifar dáist ekki að því gríðarlega átaki sem Kínverjar hafa unnið sínu risaveldi til gagns á fáum áratugum eftir Mao. Leiðtogi þeirra Deng er eitt af mikilmennum okkar tíma. Vandinn í samskiptum okkar við Kína er hinn fáránlegi stærðarmunur örríksins og ofurrisans, helst að líkja við flugu á fílsrassi. Stefna okkar varðandi þessi samskipti hefur einvörðungu verið reaktiv viðbrögð vegna frumkvæðisaðgerða þeirra, s.s í Huang Nubo-málinu, gerð fríverslunarsamnings, Norðurljósaathuguna, hingaðkomu ísbrjótsins og við yfirþyrmandi opinbera heimsókn 2012. Og hvert stefnir Arctic Circle, frumkvæði Forseta Íslands ? Allt ber að sama brunni að Ísland býr ekki við neina stefnu í þessum samskiptum. Náin alþjóðasamvinna með vinaríkjum er eina úrlausni Íslands í þessu sem mörgu öðru
Því ber sannarlega að fagna að í depurð vegna verkfalla og makríleysis eftir kaldan vetur og vor, hefur birt yfir þjóðfélaginu. Tímamót urðu við það afrek ríksstjórnar að ná góðum samningum við kröfuhafa um greiðslur vegna uppgjörs föllnu bankanna og sk snjóhengjukrafna. Og er þá ekki einmitt tími til frekari góðra verka ?. Þar blasir við lausn þess mikla málssem varðar aðild að Evrópusambandinu og að losa Ísland úr kverkataki ónýts gjaldmiðils, svo sem lofað hefu
