Fyrirmyndarfyrirtækin sem yfirgefa krónuna

Fyrirmyndarfyrirtækin sem yfirgefa krónuna

Creditinfo veitti í byrjun febrúar 682 fyrirtækjum viðurkenningu sem fyrirmyndarfyrirtæki á Íslandi 2015, en eingöngu 1,9% íslenskra fyrirtækja standast þau skilyrði sem Creditinfo setur.

Það er að mörgu leyti áhugavert að skoða lista Creditinfo og sjá m.a. þau fyrirmyndarfyrirtæki upptalin sem hafa átt kost á að yfirgefa krónuna og gera nú flest upp í evru eða dollar.    Þau eru 30 að tölu.   Það væri áhugavert að vita hversu mörg hinna 652 fyrirtækja á listanum myndu feta í fótspor þessara stórfyrirtækja og yfirgefa krónuna ef þeim stæði það til boða.   Að fjármagna rekstur með 1-2% vöxtum í stað 8-9% hlýtur að gjörbreyta allri ákvarðanatöku og afkomu.

En sárgrætilegast er til þess að vita að fjöldi þeirra fyrirtækja sem kæmist á fyrirmyndarlistann yrði miklu, miklu meiri ef íslenskur fjármagnskostnaður væri ekki að sliga rekstur þeirra.

Já – það hefur löngum verið munur á Jóni og Séra Jóni.