Úrslitin liggja fyrir: Sigga og Langi Seli og Skuggarnir áfram

Sigga Ózk og Langi Seli og Skuggarnir komust á­fram í úr­slita­kvöld Söngva­keppninar 2023 eftir glæsi­lega keppni.

Sigga söng lagið Gleyma þér og dansa, á meðan Langi Seli og Skuggarnir sungu lagið Allt er Ok.

Í lokin var einnig til­kynnt að eitt lag enn færi inn í úr­slitin. Hljóm­sveitin Celebs tryggði sér sætið, en lagið þeirra var að­eins tveimur at­kvæðum frá því að komast í úr­slitin eftir fyrra undan­úr­slita­kvöldið.

Keppnin fór fram í Söngva­keppnis­höllinni í Gufu­nesi og var mikið stuð í hjá á­horf­endum.

Bragi og Diljá komust á­fram í fyrri undan­úr­slitunum um síðustu helgi með lögunum Stundum snýst heimurinn gegn þér og Lifandi inni í mér þar sem heimurinn snerist, þvert á söng Braga, með honum og hvergi fór milli mála að Diljá var sprellifandi inni í sér. Fyrir og eftir keppni.