Um íslenskt mál í fjölmenningarsamfélagi: Gert grínt að hreimnum hennar

Þóra Másdóttir, lektor við Læknadeild Háskóla Íslands, vinnur að nýju málþroskaprófi sem ætlað er að meta málfærni leikskólabarna á aldrinum fjögurra til sex ára.

Í grein á vef Háskóla Íslands kemur fram að það sé ekki sjálfgefið að allir nái tökum á málinu með sama hætti og sama hraða. Þóra segir að skort hafi áreiðanleg mælitæki til að meta þálþroska íslenskumælandi barna en hún vonar að prófið endurspegli málþroska hjá þessum aldurshópi óháð búsetu.

Krefjandi að læra erlent tungu

Staða íslenskrar tungu hefur verið mikið til umræðu með auknum fólksflutningum til Íslands. Líkt og Sema Erla Serdar, for­maður hjálpar­sam­takanna Solaris, benti á fyrir nokkru er íslensk samfélag fjölmenningarsamfélag. Í desember í fyrra voru alls 51.378 er­lendir ríkis­borgarar skráðir með bú­setu hér á landi

Sjá einnig: „Ís­­lenskt sam­­fé­lag er fjöl­­menningar­­sam­­fé­lag og því verður ekki haggað“

Marta Ei­ríks­dóttir ís­lensku­kennari vakti athygli með pistli sínum sem fjallaði um útlendinga og íslenskt mál. Sagðist hún sjálf hafa lagt sig fram um að tala dönsku þegar hún bjó í Danmörku og ætlaðist hún til þess að erlent fólk á Íslandi gerði slíkt hið sama.

„Þegar ég horfi á svona fréttir þá virkar það á mig sem fyrir­sláttur við­mælenda sem koma fram, tala á ensku og ætlast til þess að verða settir jafn­fætis fólki sem talar ís­lenskt mál. Við búum á Ís­landi og hér er ís­lenskt mál þjóð­tunga landsins,“ skrifaði hún.

„Það getur verið krefjandi að læra er­lent tungu­mál, það vitum við mörg. En til þess að eiga meiri mögu­leika á að fá at­vinnu hér á landi, þá verður fólk af er­lendum upp­runa, að leggja það á sig að læra ís­lensku.“

Sjá einnig: Tala full­komna ís­lensku en fá svo þetta svar: „We are only hiring Icelandic spea­kers“

Andie Sophia, fréttastjóri Grapevine.

Gera grín að hreimnum

Íslendingar af erlendu bergi brotnu og erlendir ríkisborgarar hafa vakið athygli á því að viðhorf margra er ekki beint hvetjandi.

„Ég tala ís­lensku á Ís­landi enda er ís­lenska móður­málið mitt. Samt hef ég ó­mælda reynslu af því að fólki láist að svara mér á okkar ást­kæra yl­hýra máli eða á­varpa mig á því,“ sagði Miriam Petra Ómars­dóttir Awad, Ís­lendingur og sér­fræðingur hjá Rann­ís.

Andie Sophia Fontaine, fyrrverandi varaþingmaður fyrir Vinstri græna og blaðamaður og fréttastjóri Grapevine er Íslendingur af bandarískum uppruna. Hún deilir sögu á Twitter um vinkonu sína sem er við það að gefast upp á því að tala íslensku vegna þess að samstarfsmenn hennar gera grín að hreimnum hennar. Andie segist hafa heyrt í rúm 20 ár að Íslendingar séu bara ekki vanir því að heyra íslensku með erlendum hreim.

„Hreimurinn er ekkert að fara og það er bara ótrúlega snobbað og mikið útlendingahatur að tönglast á þessu.“

I have been hearing "we're just not used to Icelandic with an accent" for 20+ years now. I've had people insist they did not understand me because I used the ó sound and not the o sound in a word. And yeah, I've had my accent openly laughed at, too

— Andie Sophia Fontaine 🏳️‍⚧️ ☭ (@andiefontaine23) February 17, 2021