Þvertekur fyrir að selja ætti nóbelsverðlaun Halldórs Laxness: „Það hefur aldrei komið til greina“

Nóbels­verð­laun Hall­dórs Lax­ness eru geymd í Myntsafni Seðla­banka Ís­lands og Þjóð­minja­safns. Frétta­blaðið fjallar um málið í blaði dagsins.

Tæpum þrjá­tíu árum eftir að Halldór hlaut nóbelinn, árið 1985, gaf Hall­dór Myntsafninu heiðurs­­peninginn og önnur gögn sem fylgt höfðu verð­laununum sem varð­veitt hafa verið í bankanum alla tíð síðan.

Stefán Jóhann Stefáns­son, rit­stjóri hjá Seðla­bankanum, segir að verðlaunin séu geymd í sér­stakri og öruggri geymslu. „Við erum hins vegar yfir­leitt ekki að upp­lýsa ná­kvæm­lega eða frekar í hverju öryggi felst í geymslum okkar.“

Spurður hvort það hafi ein­hvern tíma komið til greina að selja verð­launa­pening Hall­dórs Lax­ness, segir Stefán Jóhann: „Það hefur aldrei komið til greina að selja peninginn enda sam­ræmist það ekki til­ganginum með gjöfinni.“

Þó hefur það komið fyrir erlendis að fólk selji nóbelsverðlaunin sín, en það virðist ekki vera stefnan hjá Seðlabankanum. Til að mynda var einn peningur seldur á dögunum fyrir 103,5 milljónir dollara, eða rúmar 13 milljarða ís­lenskra króna. Á­góðinn rann í hjálpar­starf UNICEF fyrir börn á flótta vegna stríðsins í Úkraínu.

Nánar er fjallað um málið á vef Fréttablaðsins.