Þröstur missti pabba sinn og mömmu úr CO­VID-19: „Aftur þurfum við að taka lífinu al­var­lega“

Þröstur Reynis­son missti bæði móður sína og föður með stuttu milli­bili úr CO­VID-19 sjúk­dómnum í lok mars og byrjun apríl síðast­liðnum. Þröstur opnar sig um missinn í afar per­sónu­legri færslu sem hann birti á Face­book hópnum „Kórónu­veiran CO­VID-19.“

Hann hefur gefið Hring­braut góð­fús­legt leyfi til að birta þessa um­fjöllun um pistilinn en með honum lætur Þröstur fylgja tvær myndir sem sýna sorg föður hans og leiði for­eldra hans.

Ljóst er að Þröstur vonar að pistillinn verði á­minning til margra um að fara var­lega og taka hættum af völdum faraldursins alvarlega, nú þegar önnur bylgja far­aldursins gengur yfir hér á landi.

„Nú er svo komið að aftur þurfum við að taka lífinu al­var­lega, ég ætla ekki að skamma neinn að þessu sinni en mig langar að deila með ykkur mjög per­sónu­legri reynslu,“ skrifar Þröstur.

„23. mars síðast­liðinn dó mín ást­kæra móðir úr Co­vid 19, eftir sat faðir minn og syrgði hana, hann tapaði sinni bar­áttu 2. apríl. mig langar að deila með ykkur mjög per­sónu­legum myndum sem ég tók á meðan við fjöl­skyldan tókumst á við af­leiðingarnar. Fyrsta myndin lýsir af ein­hverju leiti þeirri sorg sem faðir minn gekk í gegnum á meðan móðir mín barðist við þennan sjúk­dóm og seinni myndin mun vonandi minna ykkur á það sem mun gerast ef þið takið þessu ekki al­var­lega.“