Fjórar konur, Phoenix Jessica Ramos, Agnieszka Sokolowska, Cristina Milcher og Wiktoria Joanna Ginter, veifuðu rauðum spjöldum og skilaboðum í mótmælum sínum gegn Sólveigu Önnu Jónsdóttur á Jafnréttisþingi í morgun.
Yfirskrift jafnréttisþingsins í ár var staða kvenna af erlendum uppruna á vinnumarkaði – aðgengi, möguleiki og hindranir.
Konurnar sem mótmæltu telja Sólveigu Önnu ekki trúverðugan talsmann erlendra verkakvenna, enda hafi hún unnið gegn þeim og réttindum þeirra.
Sem dæmi má nefna að þegar Sólveig Anna tók þátt í að reka stóran hluta af starfsmönnum Eflingar og var Phoenix Jessica Ramos meðal þeirra. Sólveig sagði að allir gátu sótt um störf sín aftur en Ramos gat það ekki því nú var búið að bæta við kröfu um íslenskunnáttu.
Sólveig svaraði mótmælunum á Facebook síðu sinni og sagði þau æsa sig upp og era sig enn forhertari. „En það er allt í lagi; þær skipta mig og félaga mínu engu máli. Við erum á leið á völlinn, mörg, sameinuð og sterk. Og þau tilþrif sem við munum sína þar verða þannig að engum þarf að leiðast. Ég lofa því.“ eru lokorð færslu Sólveigar.
Fjölmargir taka undir með verkalýðsforingjunum á Facebook og keppast stuðningsmenn Sólveigar við að urða fúkyrðum yfir konurnar fjórar. Þær eru meðal annars sagðar hafa „lítinn skilning á þeim pólitíska leik sem tengist og ræður stéttarkerfi Íslands“ og „knúnar af eigingirni“
„Vonandi komu þessar kerlingar sér til sín heima. Förum að hreinsa landsið af þessum skríl,“ skrifar Sigrún Björnsdóttir.
Þá eru þó nokkrir sem kalla þær kerlingar.
Athygli vekur að Ásta Lóa Þórsdóttir þingmaður Flokks fólksins tekur þátt og hjólar í konurnar.
„Var þetta í alvörunni gert?! Þvílíkur dónaskapur og vanvirðing! Þeim má finnast það sem þeim vill um málflutning þinn, en þetta er argasti dónaskapur, svo ekki sé minnst á hrokann; "VIÐ erum að dæma þennan leik". Hver gerði ÞÆR að dómara? Og hverjar telja þær sig eiginlega vera?! Mig skortir orð,“ skrifar Ásta Lóa.
