Í nýlegri könnun frá Maskínu kemur fram hvaða ráðherrum almenningur treystir mest, en samkvæmt niðurstöðum könnunarinnar ber þjóðin mest traust til Ásmundar Einars Daðason, mennta- og barnamálaráðherra. Um 52.1 prósent þeirra sem svöruðu könnuninni bera mikið traust til hans á meðan 18.2 prósent gera það ekki.
Þar á eftir njóta forsætisráðherrann Katrín Jakobsdóttir og heilbrigðisráðherrann Willum Þór Þórsson mest traust frá almenningi, en samkvæmt niðurstöðum virðast ráðherrar Framsóknarflokksins og Vinstri græna almennt njóta trausts. Ráðherrar Sjálfstæðisflokksins eru þeir ráðherrar sem njóta hvað minnst traust frá þjóðinni.
Sá ráðherra sem nýtur minnst traust almennings er Bjarni Benediktsson fjármálaráðherra, en 70.7 prósent þeirra sem svara könnunninni bera lítið traust til hans, en 18.3 prósent bera mikið traust til hans. Sala á hlut ríkisins í Íslandsbanka hefur ef til vill mikið að segja um niðurstöðurnar, en málið hefur vakið mikla athygli og hefur Bjarni og Sjálfstæðisflokkurinn hlotið mikla gagnrýni vegna þess.
Annars eru það Jón Gunnarsson dómsmálaráðherra og Áslaug Arna Sigurbjörnsdóttir, háskóla-, iðnaðar- og nýsköpunarráðherra sem virðast ekki njóta mikils traust frá almenningi.
Könnunin fór fram þann 22. apríl, en hér fyrir neðan má sjá breytingar milli mælinga síðan síðasta könnun var gerð þann 21. nóvember. Mikið hefur gengið á í ríkisstjórnarsamstarfinu og almennt má sjá að traust almennings hefur lækkað á ráðherrunum.
Sem dæmi má nefna að traust almennings á Sigurði Inga Jóhannsson innviðaráðherra hefur lækkað verulega síðan 21. nóvember, en nýlega gerðist hann sekur um rasísk ummæli í garð Vigdísi Häsler, framkvæmdastjóra Bændasamtaka Íslands.
