Aðalsteinn Kjartansson, blaðamaður hjá Stundinni blandar sér í umræðuna um gleraugnamál Gumma Kíró og Línu Birgittu en þau hafa verið sökuð um að þykjast hafa hannað gleraugu sem kosta klink hjá Ali-Express.
„Það er af og frá að ég og Elísabet höfum bara keypt eitthvað fjöldaframleitt IKEA eldhús. Við veljum stíla, fronta og skápa fyrir eldhúsið sem okkur finnst passa „AðalBet,“ segir Aðalsteinn í háði á Twitter sem svipar til svars Gumma í gær.
En Gummi og Lína harðneituðu því í gær að gleraugun væru frá Ali-Express.
„Þetta er ekki satt. Ég get alveg svarað fyrir það að við pöntum ekki frá Ali Express. En við veljum þá stíla, ramma og linsur sem við viljum og sem okkur finnst passa við okkar brand. Við fylgjumst mikið með götutískunni og elskum að vista myndir af allskonar lúkkum og senda á framleiðandann,“ sagði Gummi í samtali við mbl.is.
Í viðtalinu sagði Gummi að þau Lína hafi valið þau gleraugu sem þeim fyndist passa inn í sína línu.
Sjá má tíst Aðalsteins að fullu hér að neðan:
Út af umræðunni viljum við @betaerlends koma þessu á framfæri. pic.twitter.com/MUIPn4Pvxo
— Aðalsteinn (@adalsteinnk) July 20, 2022
