Tannlæknir urðar yfir papparörin: „Leyfið mér að nota mitt plaströr þar til lausnin er fundin!“

Karl Guðlaugsson tannlæknir er enginn aðdáandi papparöranna ef marka má stutta og skorinorða grein eftir hann sem birt er í Fréttablaðinu í dag.

Eins og flestum ætti að vera kunnugt er nú bannað að afhenda einnota plastvörur á borð við plaströr og einnota hnífapör. Bannið hefur lagst misjafnlega fyrir og sakna margir gömlu góðu plaströranna sem þykja töluvert sterkari og hentugri en papparörin.

Í grein sinni í Fréttablaðinu segir Karl:

„Það er eðli verk­efnis að skila af­urð. Ef nota­gildi af­urðarinnar er lítið sem ekkert er af­urðin gagns­laus. Í ger­breyttum heimi þar sem orku­einingar til fram­leiðslu eru mældar í kol­efnis­spori getur vit­leysan orðið svo gegndar­laus að það er eins og heilinn hafi ekki verið notaður,“ segir hann og endar grein sína á þessum orðum:

„Það sér hver heil­vita maður að nota­gildi pappa­r­öra í drykkjar­föng er ekkert. Hver er þá orku­sparnaðurinn? Ég vona inni­lega að vöru­þróun næstu missera finni af­urð sem leysir af hólmi plast­rörin. En í Guðs bænum leyfið mér að nota mitt plast­rör þar til lausnin er fundin!“