Sagnfræðingurinn Stefán Pálsson og samtök hernaðarandstæðinga mættu til að mótmæla varnaræfingunni Norður-Víkingurinn sem fór fram á Miðsandi í Hvalfirði í dag.
Hann skrifar um ferð sína í Hvalfjörðinn á facebook.
Varnaræfingin Norður-Víkingur 2022 fer fram á Íslandi og á hafinu í kringum landið þessa daganna en æfingin hófst 2. apríl og lýkur og 14. apríl. Lendingaræfing bandarískra landgönguliða fer fram á Miðsandi í innanverðum Hvalfirði í dag og taka nokkur hundruð þátt í æfingunni í dag.
Megintilgangur æfingarinnar er að æfa varnir sjóleiða umhverfis Ísland og mikilvægra öryggisinnviða en einnig leit og björgun á sjó og landi. Um er að ræða reglubundna tvíhliða varnaræfingu Íslands og Bandaríkjanna með þátttöku fleiri vina- og bandalagsríkja.
Hægt er að sjá umfjöllun Fréttablaðsins og myndir af æfingunnihér.
