Sólveig Anna Jónsdóttir formaður Eflingar deildi á Facebook síðu sinni í kvöld að hún tók kosningapróf RÚV.
Samkvæmt vef RÚV virkar kosningaprófið þannig að þú berð saman afstöðu þína til nokkurra fullyrðinga við afstöðu frambjóðenda. Svo færðu að vita hvaða frambjóðanda þú ert líkastur.
Niðurstöðurnar komu kannski ekki á óvart, en Sólveig var mest lík frambjóðanda Sósíalistaflokksins, henni Sönnu Magdalenu Mörtudóttir.
„Tók kosningaprófið á Rúv. Ég er mest sammála Sönnu. Áfram Sanna!,“ segir Sólveig í færslunni.
Þá deildi hún líka minningu á Facebook þar sem tvö ár eru liðin síðan það náðust kjarasamningar við SÍS.
„Fórum tvisvar í verkfall, börðumst við íhaldið í Sambandi íslenskra sveitarfélaga, sameinaða leiðarahöfunda afturhaldsins, hinar og þessar leiðindaskjóður (eins og eitt stykki heimsfaraldur...) og við gáfumst aldrei upp. Fórum alla leið og unnum sigur. Mögnuð stund, frábær minning.“
