Sól­ey kemur Degi til varnar vegna Vig­dísar: „Hennar að­ferða­fræði gengur út á ein­mitt þetta“

Sól­ey Tómas­dóttir, fyrr­verandi odd­viti Vinstri grænna í borgar­stjórn, kemur Degi B. Eggerts­syni til varnar vegna á­sakana af hálfu Vig­dísar Hauks­dóttur á hendur honum um hroka og yfir­gengi­lega frekju. Hún segir það bein­línis fyndið að í­mynda sér þá út­gáfu af Degi sem Vig­dís lýsir.

Vig­dís sagði í gær að Dagur hafi marg­sinnis sýnt af sér hroka og yfir­gengi­lega frekju.

„Honum mis­líkar oft skoðanir og bókanir okkar í meiri­hlutanum. Hann hefur oft tekið reiði­­köst á fundum og frussar á okkur skammar­yrðum. Em­bættis­­menn sitja hnípnir hjá. Þetta er oft á tíðum ógnandi til­­burðir sem líkja má við kúgun og þöggun. Hann telur að hann hafi boð­vald yfir okkur, en það er sið­­laust og ó­­heiðar­­legt því við sækjum okkar um­­­boð til kjós­enda en ekki hans eða ráð­hússins,“ segir Vig­­dís.

Lýsingin fyndin en á­sakanirnar ekki

Sól­ey gefur eins og áður segir lítið fyrir lýsingar Vig­dísar af hátta­lagi borgar­stjórans. Hún hafi unnið með honum í mörg ár, bæði sem pólitískum sam­herja en líka and­stæðingi.

„Þó ég gæti alveg rakið alls­konar galla hjá honum eins og öðru fólki, þá er það bein­línis fyndið að reyna að í­mynda sér hann í reiði­kasti, hvað þá ofsa­reiði­kasti, frussandi skammar­yrðum þannig að em­bættis­fólk sitji hnípið hjá,“ skrifar Sól­ey.

„En það er ekki fyndið að Vig­dís ljúgi þessu upp á hann, því hennar að­ferða­fræði gengur út á ein­mitt þetta. Að sverta fólk og ljúga upp á það til að afla sjálfri sér vin­sælda. Það er lág­kúru­leg og ljót pólítík sem ég vona að kjós­endur sjái í gegnum.“